Óðinn skoraði þrjú mörk í sigri

GOG vann fjögurra marka útisigur á Århus í dönsku úrvalsdeildinni í handbolta í kvöld.

Óðinn Þór Ríkharðsson skoraði þrjú mörk í 30-26 sigrinum.

Heimamenn voru yfir til að byrja með í leiknum og með yfirhöndina mest allan fyrri hálfleikinn. Staðan í hálfleik var 15-14 fyrir Århus.

Gestirnir náðu frumkvæðinu í upphafi seinni hálfleiks og um miðjan hálfleikinn náðu þeir að keyra forskot sitt upp í fjögur mörk. Þeir náðu að halda forystunni það sem eftir var og unnu að lokum 26-30.