Ítalskir ráðamenn gagnrýna framlag landsins til Eurovision Vésteinn Örn Pétursson skrifar 11. febrúar 2019 20:43 Mahmood átti sigurlagið í ítölsku keppninni í ár. Stefania D'Allesandro Söngvarinn Mahmood, sigurvegari ítölsku sönghátíðarinnar Sanremo, sem notuð er til þess að ákvarða framlag Ítalíu til söngvakeppni evrópskra sjónvarpsstöðva, hefur sætt gagnrýni frá stjórnvöldum á Ítalíu. Þá hafa ráðamenn í landinu gert athugasemdir við það fyrirkomulag sem er við lýði þegar Eurovision-framlag Ítalíu er valið. Lag Mahmood, Soldi, sigraði keppnina síðastliðið laugardagskvöld þökk sé atkvæðum frá sérstakri dómnefnd sem skipuð er af tónlistarsérfræðingum og blaðamönnum, en nefndin hefur 60% vægi á móti 40% símakosningar þegar kemur að því að velja framlag til Eurovision. Lag söngvarans Niccoló Moriconi, Ultimo, sigraði símakosninguna en vægi dómnefndarinnar var nóg til þess að senda Mahmood áfram. Þó eru ekki allir Ítalir á eitt sáttir með niðurstöðuna en hátt settir aðilar innan ríkisstjórnar Ítalíu hafa lýst yfir óánægju með gang mála. Meðal þeirra er Matteo Salvini, staðgengill forsætisráðherra í ríkisstjórninni en hann tjáði sig um málið á Twitter. „Mahmood… mah… fallegasta ítalska lagið? Ég hefði valið #Ultimo,“ tísti hann eftir að niðurstaðan var ljós. Þá hefur annar staðgengill forsætisráðherrans, Luigi Di Maio, tjáð sig um málið. Hann gagnrýndi harðlega kerfið sem notað er til þess að velja lagið sem kemur fram fyrir hönd Ítalíu í Tel Aviv í maí. Hann segir „botnlausa gjá“ milli fólks í landinu og „elítunnar,“ og heldur því jafnframt fram að sigur Mahmood endurspegli vilja minnihlutans í dómnefndinni sem samanstandi aðallega af blaðamönnum og róttæklingum að því er fram kemur í Facebook-færslu Di Maio. „Á næsta ári ætti kannski bara að syðjast við niðurstöður símakosningarinnar, í ljósi þess að hvert símtal kostar Ítali 51 sent,“ stóð einnig í færslunni. Forseti ítalska ríkisútvarpsins Rai, Marcello Foa, hefur einnig kallað eftir því að kosningakerfinu verði breytt, en hann var skipaður æðsti maður ríkisútvarpsins af ríkisstjórninni í september, við mikil mótmæli miðju- og vinstrisinnaðra stjórnmálamanna á Ítalíu. Ítalía er meðlimur „hóps hinna stóru fimm“ sem þýðir að landið þarf ekki að taka þátt í undanúrslitakvöldinu heldur kemst framlag þeirra beint á úrslitakvöldið. Ítalir hafa ekki átt neitt sérlega góðu gengi að fagna í Eurovision en landið vann síðast keppnina árið 1990. Síðan þá hefur ítalskt lag tvisvar komist á verðlaunapall í keppninni, árið 2011 lenti Ítalía í öðru sæti og árið 2015 hreppti landið bronsverlaun. Hér að neðan má heyra lögin tvö, Soldi og Ultimo.Soldi:Ultimo: Eurovision Ítalía Mest lesið Erna Ómars er borgarlistamaður Reykjavíkur Menning Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Svo góð tilfinning að endurheimta sjálfa sig“ Tónlist Frambjóðendum gekk misvel í hraðaspurningum Lífið Þetta höfðu netverjar að segja um kappræðurnar Lífið Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Kjúklinganaggar hollu stjúpunnar Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Söngvarinn Mahmood, sigurvegari ítölsku sönghátíðarinnar Sanremo, sem notuð er til þess að ákvarða framlag Ítalíu til söngvakeppni evrópskra sjónvarpsstöðva, hefur sætt gagnrýni frá stjórnvöldum á Ítalíu. Þá hafa ráðamenn í landinu gert athugasemdir við það fyrirkomulag sem er við lýði þegar Eurovision-framlag Ítalíu er valið. Lag Mahmood, Soldi, sigraði keppnina síðastliðið laugardagskvöld þökk sé atkvæðum frá sérstakri dómnefnd sem skipuð er af tónlistarsérfræðingum og blaðamönnum, en nefndin hefur 60% vægi á móti 40% símakosningar þegar kemur að því að velja framlag til Eurovision. Lag söngvarans Niccoló Moriconi, Ultimo, sigraði símakosninguna en vægi dómnefndarinnar var nóg til þess að senda Mahmood áfram. Þó eru ekki allir Ítalir á eitt sáttir með niðurstöðuna en hátt settir aðilar innan ríkisstjórnar Ítalíu hafa lýst yfir óánægju með gang mála. Meðal þeirra er Matteo Salvini, staðgengill forsætisráðherra í ríkisstjórninni en hann tjáði sig um málið á Twitter. „Mahmood… mah… fallegasta ítalska lagið? Ég hefði valið #Ultimo,“ tísti hann eftir að niðurstaðan var ljós. Þá hefur annar staðgengill forsætisráðherrans, Luigi Di Maio, tjáð sig um málið. Hann gagnrýndi harðlega kerfið sem notað er til þess að velja lagið sem kemur fram fyrir hönd Ítalíu í Tel Aviv í maí. Hann segir „botnlausa gjá“ milli fólks í landinu og „elítunnar,“ og heldur því jafnframt fram að sigur Mahmood endurspegli vilja minnihlutans í dómnefndinni sem samanstandi aðallega af blaðamönnum og róttæklingum að því er fram kemur í Facebook-færslu Di Maio. „Á næsta ári ætti kannski bara að syðjast við niðurstöður símakosningarinnar, í ljósi þess að hvert símtal kostar Ítali 51 sent,“ stóð einnig í færslunni. Forseti ítalska ríkisútvarpsins Rai, Marcello Foa, hefur einnig kallað eftir því að kosningakerfinu verði breytt, en hann var skipaður æðsti maður ríkisútvarpsins af ríkisstjórninni í september, við mikil mótmæli miðju- og vinstrisinnaðra stjórnmálamanna á Ítalíu. Ítalía er meðlimur „hóps hinna stóru fimm“ sem þýðir að landið þarf ekki að taka þátt í undanúrslitakvöldinu heldur kemst framlag þeirra beint á úrslitakvöldið. Ítalir hafa ekki átt neitt sérlega góðu gengi að fagna í Eurovision en landið vann síðast keppnina árið 1990. Síðan þá hefur ítalskt lag tvisvar komist á verðlaunapall í keppninni, árið 2011 lenti Ítalía í öðru sæti og árið 2015 hreppti landið bronsverlaun. Hér að neðan má heyra lögin tvö, Soldi og Ultimo.Soldi:Ultimo:
Eurovision Ítalía Mest lesið Erna Ómars er borgarlistamaður Reykjavíkur Menning Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Svo góð tilfinning að endurheimta sjálfa sig“ Tónlist Frambjóðendum gekk misvel í hraðaspurningum Lífið Þetta höfðu netverjar að segja um kappræðurnar Lífið Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Kjúklinganaggar hollu stjúpunnar Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira