Körfubolti

Þrír bræður léku í sama leiknum í fyrsta sinn í sögu NBA

Ingvi Þór Sæmundsson skrifar
Jrue Holiday reynir að komast framhjá bróður sínum, Justin.
Jrue Holiday reynir að komast framhjá bróður sínum, Justin. vísir/getty

Þrír bræður léku í sama leiknum í fyrsta sinn í sögu NBA-deildarinnar í körfubolta þegar New Orleans Pelicans sigraði Indiana Pacers, 120-98, í nótt.

Jrue Holiday leikur með New Orleans og Justin og Aaron Holiday með Indiana.

Um miðjan 3. leikhluta voru þeir allir saman inni á vellinum. Jrue átti að hvíla á þeim tíma en bað Alvin Gentry, þjálfara New Orleans, um að bíða með skiptinguna svo hann gæti spilað gegn bræðrum sínum.



Foreldrar og fjölmargir ættingjar Holiday-bræðranna voru á leiknum í New Orleans.

Aaron, sem er yngstur, var stigahæstur bræðranna í leiknum með 25 stig. Justin, sá elsti, skoraði ekki stig en Jrue var með 20 stig, fimm fráköst og sjö stoðsendingar.

Jrue er langþekktastur þeirra bræðra og hefur leikið í NBA síðan 2009. Hann lék með Philadelphia 76ers í fjögur ár og á þeim tíma var hann valinn til að spila í Stjörnuleiknum. Jrue fór svo til New Orleans 2013.

Eftir leikinn skiptust Holiday-bræðurnir á treyjum og stilltu sér upp fyrir myndatöku.

NBA

Mest lesið


Fleiri fréttir

Sjá meira


×

Mest lesið