Ólafur næstmarkahæstur í tapi í Búkarest

Kristianstad tapaði fyrir Dinamo Búkarest, 28-25, á útivelli í D-riðli Meistaradeildar Evrópu í handbolta í dag.

Kristianstad hefur tapað báðum leikjum sínum í Meistaradeildinni á tímabilinu.

Ólafur Guðmundsson skoraði fjögur mörk fyrir Kristianstad. Hann var næstmarkahæsti leikmaður liðsins í leiknum á eftir Anton Halén sem skoraði fimm mörk.

Teitur Örn Einarsson skoraði eitt mark fyrir Kristianstad sem var þremur mörkum undir í hálfleik, 13-10.

Næsti leikur Kristianstad í Meistaradeildinni er gegn Wisla Plock sunnudaginn 29. september.