Á þriðja tug sagt upp hjá Hafnarnesi í Þorlákshöfn Sunna Kristín Hilmarsdóttir skrifar 30. ágúst 2019 10:11 Hafnarnes VER er einn stærsti vinnuveitandinn í bænum. vísir/mhh Fiskvinnslan Hafnarnes VER í Þorlákshöfn sagði í dag upp 21 starfsmanni. Þá voru nokkrir sem fá ekki framhald á tímabundnum ráðningarsamningi auk þess sem ekki hefur verið ráðið í stöður undanfarið hjá fyrirtækinu sem fólk hefur hætt í. Uppsagnirnar taka gildi þann 1. desember. Hafnarnes er einn stærsti vinnuveitandinn í Þorlákshöfn og segir í tilkynningu Ólafi Hannessyni, framkvæmdastjóra, að uppsagnirnar séu reiðarslag. Bæjaryfirvöld hafi verið upplýst um málið enda hafi þau staðið þétt við bakið á fyrirtækinu í þeirri baráttu sem það hafi átt í við stjórnvöld. Í tilkynningunni segir að ákvörðunin sé í beinu framhaldi af nýjum reglum um veiði á sæbjúgum. Eru vinnubrögð Hafrannsóknastofnunar og Kristjáns Þórs Júlíusson, sjávarútvegsráðherra, gagnrýnd harðlega. Að neðan má sjá tilkynninguna:Ólafur Hannesson, framkvæmdastjóri Hafnarness VER.Síðastliðið ár höfum við reynt eftir fremsta megni að glíma við sjávarútvegsráðuneytið og Hafrannsóknarstofnun Íslands, en við ofurefli hefur verið að etja. Uppsagnir dagsins í dag má rekja beint til vafasamrar og óvísindalegrar ráðgjafar Hafró við fiskveiðiráðgjöf á sæbjúgum og skeytingarleysis sjávarútvegsráðuneytisins gagnvart hagsmunum vinnandi fólks á landsbyggðinni og hag smærri bæjarfélaga. Ítrekað var bent á að þetta yrði óhjákæmileg afleiðing ákvörðunartöku þeirra en þessir aðilar hafa kosið að skella skollaeyrum við þeim aðvörunum.Fyrr á árinu gaf Hafró út nýja fiskveiðiráðgjöf, þar sem lagt var til tæplega 60% samdrátt á sæbjúgnaveiðum frá fyrra fiskveiðiári. Ljóst er að enginn framleiðslustarfsemi getur staðið slíkan hráefnissamdrátt af sér án afleiðinga. Þvert á gagnstæð sjónarmið hefur Kristján Þór Júlíusson kosið að trúa ráðgjöf Hafró eins og nýju neti – eitthvað sem allir góðir skipstjórar gjalda varhug við, jafnvel þeir sem komnir eru á bak við skrifborð. Sjávarútvegsráðherra hefur kosið að fela sig á bak við ráðleggingar Hafró og þorir ekki að standa með þeim fyrirtækjum og því starfsfólki sem reiðir sig á veiðar sæbjúgna í stað þess að stíga í lappirnar gagnvart Hafró sem hefur viðurkennt að lítil þekking sé á tegundinni þar innanborðs og þörf sé á frekari rannsóknum, þekkingarleysið hefur þó ekki stuðlað að auðmýkt í vinnubrögðum þeirra sem hafa bein áhrif til hins verra á lífsviðurværi fjölda fólks á landinu.Hafrannsóknarstofnun hefur í nýjum ráðleggingum sínum kosið að umbylta veiðifyrirkomulagi sæbjúgna. Teiknuð hafa verið upp ný veiðisvæði fyrir austan og vestan land, umrædd svæði virðast þó lítið eiga sameiginlegt við vísindalegar athuganir, veiðisögu eða upplýsingar frá þeim sem best þekkja til. Svo virðist sem tilviljun ein um hvar reglustrikan stóð á borðinu hafi ráðið meiru um skiptingu veiðihólfa heldur en önnur sjónarmið. Stærð hólfa margfalt stærri en eðlilegt mætti þykja og í engum takti við þær veiðar sem stundaðar eru.Ekki vongóður Í samtali við Vísi segist Ólafur vona innilega að hið nýja fyrirkomulag varðandi veiði á sæbjúgum verði endurskoðað en bætir við að hann sé ekki vongóður um það. Hafnarnes VER er kvótalaus útgerð og fiskvinnsla og hafa sæbjúgun gert það að verkum að fyrirtækið getur haldið úti rekstri allt árið. „Við erum að kaupa hráefni á fiskmarkaði og reynum að vera í beinum viðskiptum við báta. Svo erum við með einn bát sem við leigjum aflaheimildir á en það er orðið erfitt að fá aflaheimildir og orðið mjög dýrt,“ segir Ólafur. Nú sé verið að horfa á stór göt á rekstrarárinu vegna minni veiði á sæbjúgum. „En nú þurfum við að stokka spilin. Við höfum ávallt reyna að leita leiða til að finna út úr því hvernig við getum leyst þetta, finna nýjar tegundir til að vinna eða finna aðila sem vantar að vinna hráefni fyrir sig. Við erum með aðstöðu og fólk sem er viljugt að vinna en vantar hráefni.“Fréttin hefur verið uppfærð. Sjávarútvegur Vinnumarkaður Ölfus Mest lesið Base parking gjaldþrota Viðskipti innlent Forstjóri Play íhugar að fljúga frekar til Íslands en frá Viðskipti innlent Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Samkaup, Heimkaup og Orkan hefja samrunaviðræður Viðskipti innlent Þjónusturof hjá alþjóðlegum birgja Viðskipti innlent Endurkjörinn formaður og fimm koma ný inn í stjórn Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Sparisjóður hagnaðist um 205 milljónir króna Viðskipti innlent Starfsfólk fær 150 milljónir í hlutabréfum Viðskipti innlent Fleiri fréttir Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Gera þrjátíu til fjörutíu kaupsamninga á hverjum degi Áhorf á Eurovision hríðfellur Aukið atvinnuleysi Sjá meira
Fiskvinnslan Hafnarnes VER í Þorlákshöfn sagði í dag upp 21 starfsmanni. Þá voru nokkrir sem fá ekki framhald á tímabundnum ráðningarsamningi auk þess sem ekki hefur verið ráðið í stöður undanfarið hjá fyrirtækinu sem fólk hefur hætt í. Uppsagnirnar taka gildi þann 1. desember. Hafnarnes er einn stærsti vinnuveitandinn í Þorlákshöfn og segir í tilkynningu Ólafi Hannessyni, framkvæmdastjóra, að uppsagnirnar séu reiðarslag. Bæjaryfirvöld hafi verið upplýst um málið enda hafi þau staðið þétt við bakið á fyrirtækinu í þeirri baráttu sem það hafi átt í við stjórnvöld. Í tilkynningunni segir að ákvörðunin sé í beinu framhaldi af nýjum reglum um veiði á sæbjúgum. Eru vinnubrögð Hafrannsóknastofnunar og Kristjáns Þórs Júlíusson, sjávarútvegsráðherra, gagnrýnd harðlega. Að neðan má sjá tilkynninguna:Ólafur Hannesson, framkvæmdastjóri Hafnarness VER.Síðastliðið ár höfum við reynt eftir fremsta megni að glíma við sjávarútvegsráðuneytið og Hafrannsóknarstofnun Íslands, en við ofurefli hefur verið að etja. Uppsagnir dagsins í dag má rekja beint til vafasamrar og óvísindalegrar ráðgjafar Hafró við fiskveiðiráðgjöf á sæbjúgum og skeytingarleysis sjávarútvegsráðuneytisins gagnvart hagsmunum vinnandi fólks á landsbyggðinni og hag smærri bæjarfélaga. Ítrekað var bent á að þetta yrði óhjákæmileg afleiðing ákvörðunartöku þeirra en þessir aðilar hafa kosið að skella skollaeyrum við þeim aðvörunum.Fyrr á árinu gaf Hafró út nýja fiskveiðiráðgjöf, þar sem lagt var til tæplega 60% samdrátt á sæbjúgnaveiðum frá fyrra fiskveiðiári. Ljóst er að enginn framleiðslustarfsemi getur staðið slíkan hráefnissamdrátt af sér án afleiðinga. Þvert á gagnstæð sjónarmið hefur Kristján Þór Júlíusson kosið að trúa ráðgjöf Hafró eins og nýju neti – eitthvað sem allir góðir skipstjórar gjalda varhug við, jafnvel þeir sem komnir eru á bak við skrifborð. Sjávarútvegsráðherra hefur kosið að fela sig á bak við ráðleggingar Hafró og þorir ekki að standa með þeim fyrirtækjum og því starfsfólki sem reiðir sig á veiðar sæbjúgna í stað þess að stíga í lappirnar gagnvart Hafró sem hefur viðurkennt að lítil þekking sé á tegundinni þar innanborðs og þörf sé á frekari rannsóknum, þekkingarleysið hefur þó ekki stuðlað að auðmýkt í vinnubrögðum þeirra sem hafa bein áhrif til hins verra á lífsviðurværi fjölda fólks á landinu.Hafrannsóknarstofnun hefur í nýjum ráðleggingum sínum kosið að umbylta veiðifyrirkomulagi sæbjúgna. Teiknuð hafa verið upp ný veiðisvæði fyrir austan og vestan land, umrædd svæði virðast þó lítið eiga sameiginlegt við vísindalegar athuganir, veiðisögu eða upplýsingar frá þeim sem best þekkja til. Svo virðist sem tilviljun ein um hvar reglustrikan stóð á borðinu hafi ráðið meiru um skiptingu veiðihólfa heldur en önnur sjónarmið. Stærð hólfa margfalt stærri en eðlilegt mætti þykja og í engum takti við þær veiðar sem stundaðar eru.Ekki vongóður Í samtali við Vísi segist Ólafur vona innilega að hið nýja fyrirkomulag varðandi veiði á sæbjúgum verði endurskoðað en bætir við að hann sé ekki vongóður um það. Hafnarnes VER er kvótalaus útgerð og fiskvinnsla og hafa sæbjúgun gert það að verkum að fyrirtækið getur haldið úti rekstri allt árið. „Við erum að kaupa hráefni á fiskmarkaði og reynum að vera í beinum viðskiptum við báta. Svo erum við með einn bát sem við leigjum aflaheimildir á en það er orðið erfitt að fá aflaheimildir og orðið mjög dýrt,“ segir Ólafur. Nú sé verið að horfa á stór göt á rekstrarárinu vegna minni veiði á sæbjúgum. „En nú þurfum við að stokka spilin. Við höfum ávallt reyna að leita leiða til að finna út úr því hvernig við getum leyst þetta, finna nýjar tegundir til að vinna eða finna aðila sem vantar að vinna hráefni fyrir sig. Við erum með aðstöðu og fólk sem er viljugt að vinna en vantar hráefni.“Fréttin hefur verið uppfærð.
Sjávarútvegur Vinnumarkaður Ölfus Mest lesið Base parking gjaldþrota Viðskipti innlent Forstjóri Play íhugar að fljúga frekar til Íslands en frá Viðskipti innlent Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Samkaup, Heimkaup og Orkan hefja samrunaviðræður Viðskipti innlent Þjónusturof hjá alþjóðlegum birgja Viðskipti innlent Endurkjörinn formaður og fimm koma ný inn í stjórn Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Sparisjóður hagnaðist um 205 milljónir króna Viðskipti innlent Starfsfólk fær 150 milljónir í hlutabréfum Viðskipti innlent Fleiri fréttir Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Gera þrjátíu til fjörutíu kaupsamninga á hverjum degi Áhorf á Eurovision hríðfellur Aukið atvinnuleysi Sjá meira