Fyrsti fundur í kjaradeilu Starfsgreinasambandsins og Samtaka atvinnulífsins eftir að SGS sleit viðræðum við SA hófst klukkan 09:30 í húsakynnum ríkissáttasemjara í morgun.
Áætlað er að hann standi til klukkan 12 en dagskráin er þétt í Karphúsinu í dag þar sem vinnufundur í kjaradeilu sex verkalýðsfélaga, þar á meðal Eflingar og VR, við SA hófst klukkan 10.
Reynt er nú til þrautar að ná samningi í þeim viðræðum og er áætlað að fundað verði í dag til klukkan 18 og síðan alla helgina.
Deiluaðilar eru í fjölmiðlabanni og því fæst ekkert uppgefið um það sem fram hefur komið í viðræðunum.
Valur
Þróttur
