Öruggt hjá Íslendingunum í Kristianstad

Topplið Kristianstad valtaði yfir Ystads í sænsku úrvalsdeildinni í handbolta í kvöld.

Ólafur Guðmundsson skoraði þrjú mörk, Teitur Örn Einarsson fjögur og Arnar Freyr Arnarsson eitt í 37-29 sigri Kristianstad.

Gestirnir frá Kristianstad voru komnir í fjögurra marka forystu eftir tíu mínútur og þeir héldu forystunni allt til leiksloka. Í hálfleik var staðan orðin 11-19 fyrir gestina.

Í seinni hálfleik var sigurinn aldrei í hættu.

Kristianstad er með örugga forystu á toppi deildarinnar, það munar nú ellefu stigum niður í næsta lið Skövde en það á þó leik til góða.