Hótuðu að skjóta ólétta konu eftir að fjögurra ára dóttir hennar stal dúkku Kristín Ólafsdóttir skrifar 16. júní 2019 23:30 Skjáskot úr myndbandi af atvikinu. Fjölskyldan, par á þrítugsaldri og dætur þeirra tvær, er sýnilega afar slegin. Skjáskot/Twitter Borgarstjóri bandarísku borgarinnar Phoenix í Arizona hefur beðist afsökunar á ofsafengnu framferði lögreglumanna í garð fjölskyldu í borginni vegna meints stuldar fjögurra ára stúlku. Myndband af aðgerðum lögreglumannanna, sem virðast hafa hótað fjölskyldunni lífláti, hefur vakið mikla reiði á netinu undanfarna daga. Atvikið átti sér stað í maí en myndbandið fór ekki í dreifingu fyrr en nú í vikunni. Í því sést að minnsta kosti einn lögreglumaður miða byssu sinni og öskra á par, sem er statt fyrir utan íbúðarhús með dætur sínar, eins og fjögurra ára. Samkvæmt fréttaflutningi fjölmiðla vestanhafs af málinu var lögregla kölluð til vegna þess að eldri dóttir parsins tók með sér dúkku úr verslun sem ekki hafði verið greitt fyrir. Viðbrögð lögreglu þykja afar ofsafengin miðað við aðstæður en í myndbandinu virðist sem lögregluþjónn hóti því að skjóta parið. Þá skipar lögreglumaður konunni að setja hendur upp í loft en hún heyrist gráta og kveðst ekki geta það þar sem hún haldi á ársgömlu barni sínu. Þá greinir hún einnig frá því að hún sé ófrísk en ljóst er að parið er í mikilli geðshræringu vegna viðbragða lögregluþjónanna. Myndband af atvikinu má sjá hér að neðan.Another angle of the incident filmed by a different resident of the apartment complex where Ames and his pregnant fiancee were dropping off their kids with a babysitter show a Phoenix police officer trying to yank the child from the mother's arms. pic.twitter.com/pTb07lZAXD— Meg O'Connor (@megoconnor13) June 12, 2019 Kate Gallego borgarstjóri Phoenix, þar sem atvikið átti sér stað, bað parið afsökunar á framferði lögreglu seint í gærkvöldi. Gallego sagðist jafnframt miður sín yfir því sem hún hefði séð í myndbandinu og sagði viðbrögð lögregluþjónanna bæði ófagmannleg og óviðeigandi.My statement on the May 27th Phoenix Police incident: pic.twitter.com/1mYHQQbhWv— Mayor Kate Gallego (@MayorGallego) June 16, 2019 Þá sagði Jeri Williams, lögreglustjóri Phoenix-borgar, í yfirlýsingu vegna málsins að rannsókn á atvikinu væri hafin. „Ég, líkt og þið, er slegin yfir talsmáta og gjörðum lögreglumanns okkar,“ sagði Williams m.a. í yfirlýsingunni. Parið, Dravon Ames og Iesha Harper sem bæði eru á þrítugsaldri, hafa krafist tíu milljóna Bandaríkjadala, eða rúmlega 1,2 milljarðs íslenskra króna í skaðabætur vegna atviksins. Þau halda því fram að lögreglumaðurinn hafi miðað á þau byssu sinni þar sem þau sátu í bílnum og hótað því að skjóta þau að minnsta kosti tvisvar. „Ég ætla að skjóta ykkur í helvítis andlitið,“ á lögregluþjónninn m.a. að hafa sagt."Having been a cop for 30 years, you kind of sit back and say, 'what was going on?' And that's what we need to address." @brahmresnik's full interview with Phoenix Police Chief Jeri Williams: https://t.co/HM3OFF1Cq4 pic.twitter.com/qWRK0XlyaE— 12 News (@12News) June 16, 2019 Þá kveðst parið ekki hafa vitað af því að dóttir þeirra hafi tekið dúkkuna úr versluninni, sem er lágvöruverðsverslun undir merkjum bandarísku keðjunnar Family Dollar. Dúkkan hefur því aðeins kostað fáeina dali. Í tilkynningu frá lögreglu segir að lögreglumennirnir sem áttu í hlut hafi verið færðir til í starfi. Þeir sinni ekki lengur útköllum á meðan rannsókn á málinu standi yfir heldur vinni þeir á skrifstofu lögreglu í Phoenix. Atvikið hefur verið sett í samhengi við lögregluofbeldi í garð svartra Bandaríkjamanna en lögregluþjónarnir eru hvítir og fjölskyldan svört. Þá hefur verið kallað eftir því að lögreglumennirnir sem eiga í hlut verði reknir úr starfi fyrir framgöngu sína. Bandaríkin Mest lesið Segir yfirlýsingar um að FBI hafi mátt skjóta Trump stórhættulegar Erlent Augljóst að fylgið er enn á verulegri hreyfingu Innlent Ósátt með skýringar á andláti: „Dæmigert kveisubarn“ voru svörin Innlent Fjórir látnir eftir að bygging hrundi á Majorku Erlent Forsetavaktin 2024: Hver verður sjöundi forseti lýðveldisins? Innlent Halla T skýst upp í annað sæti en Katrín leiðir Innlent „Ef ekkert breytist þá erum við að fara á hausinn“ Innlent Segir samstöðu lykilinn að jarðgangagerð Færeyinga Erlent Ók af vettvangi banaslyss og hefur aldrei fundist Innlent Halla orðin vinsælasta plan B Innlent Fleiri fréttir Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Sjá meira
Borgarstjóri bandarísku borgarinnar Phoenix í Arizona hefur beðist afsökunar á ofsafengnu framferði lögreglumanna í garð fjölskyldu í borginni vegna meints stuldar fjögurra ára stúlku. Myndband af aðgerðum lögreglumannanna, sem virðast hafa hótað fjölskyldunni lífláti, hefur vakið mikla reiði á netinu undanfarna daga. Atvikið átti sér stað í maí en myndbandið fór ekki í dreifingu fyrr en nú í vikunni. Í því sést að minnsta kosti einn lögreglumaður miða byssu sinni og öskra á par, sem er statt fyrir utan íbúðarhús með dætur sínar, eins og fjögurra ára. Samkvæmt fréttaflutningi fjölmiðla vestanhafs af málinu var lögregla kölluð til vegna þess að eldri dóttir parsins tók með sér dúkku úr verslun sem ekki hafði verið greitt fyrir. Viðbrögð lögreglu þykja afar ofsafengin miðað við aðstæður en í myndbandinu virðist sem lögregluþjónn hóti því að skjóta parið. Þá skipar lögreglumaður konunni að setja hendur upp í loft en hún heyrist gráta og kveðst ekki geta það þar sem hún haldi á ársgömlu barni sínu. Þá greinir hún einnig frá því að hún sé ófrísk en ljóst er að parið er í mikilli geðshræringu vegna viðbragða lögregluþjónanna. Myndband af atvikinu má sjá hér að neðan.Another angle of the incident filmed by a different resident of the apartment complex where Ames and his pregnant fiancee were dropping off their kids with a babysitter show a Phoenix police officer trying to yank the child from the mother's arms. pic.twitter.com/pTb07lZAXD— Meg O'Connor (@megoconnor13) June 12, 2019 Kate Gallego borgarstjóri Phoenix, þar sem atvikið átti sér stað, bað parið afsökunar á framferði lögreglu seint í gærkvöldi. Gallego sagðist jafnframt miður sín yfir því sem hún hefði séð í myndbandinu og sagði viðbrögð lögregluþjónanna bæði ófagmannleg og óviðeigandi.My statement on the May 27th Phoenix Police incident: pic.twitter.com/1mYHQQbhWv— Mayor Kate Gallego (@MayorGallego) June 16, 2019 Þá sagði Jeri Williams, lögreglustjóri Phoenix-borgar, í yfirlýsingu vegna málsins að rannsókn á atvikinu væri hafin. „Ég, líkt og þið, er slegin yfir talsmáta og gjörðum lögreglumanns okkar,“ sagði Williams m.a. í yfirlýsingunni. Parið, Dravon Ames og Iesha Harper sem bæði eru á þrítugsaldri, hafa krafist tíu milljóna Bandaríkjadala, eða rúmlega 1,2 milljarðs íslenskra króna í skaðabætur vegna atviksins. Þau halda því fram að lögreglumaðurinn hafi miðað á þau byssu sinni þar sem þau sátu í bílnum og hótað því að skjóta þau að minnsta kosti tvisvar. „Ég ætla að skjóta ykkur í helvítis andlitið,“ á lögregluþjónninn m.a. að hafa sagt."Having been a cop for 30 years, you kind of sit back and say, 'what was going on?' And that's what we need to address." @brahmresnik's full interview with Phoenix Police Chief Jeri Williams: https://t.co/HM3OFF1Cq4 pic.twitter.com/qWRK0XlyaE— 12 News (@12News) June 16, 2019 Þá kveðst parið ekki hafa vitað af því að dóttir þeirra hafi tekið dúkkuna úr versluninni, sem er lágvöruverðsverslun undir merkjum bandarísku keðjunnar Family Dollar. Dúkkan hefur því aðeins kostað fáeina dali. Í tilkynningu frá lögreglu segir að lögreglumennirnir sem áttu í hlut hafi verið færðir til í starfi. Þeir sinni ekki lengur útköllum á meðan rannsókn á málinu standi yfir heldur vinni þeir á skrifstofu lögreglu í Phoenix. Atvikið hefur verið sett í samhengi við lögregluofbeldi í garð svartra Bandaríkjamanna en lögregluþjónarnir eru hvítir og fjölskyldan svört. Þá hefur verið kallað eftir því að lögreglumennirnir sem eiga í hlut verði reknir úr starfi fyrir framgöngu sína.
Bandaríkin Mest lesið Segir yfirlýsingar um að FBI hafi mátt skjóta Trump stórhættulegar Erlent Augljóst að fylgið er enn á verulegri hreyfingu Innlent Ósátt með skýringar á andláti: „Dæmigert kveisubarn“ voru svörin Innlent Fjórir látnir eftir að bygging hrundi á Majorku Erlent Forsetavaktin 2024: Hver verður sjöundi forseti lýðveldisins? Innlent Halla T skýst upp í annað sæti en Katrín leiðir Innlent „Ef ekkert breytist þá erum við að fara á hausinn“ Innlent Segir samstöðu lykilinn að jarðgangagerð Færeyinga Erlent Ók af vettvangi banaslyss og hefur aldrei fundist Innlent Halla orðin vinsælasta plan B Innlent Fleiri fréttir Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Sjá meira