Birkir orðaður við Derby og Stoke

Ensku B-deildarliðin Derby County og Stoke City hafa áhuga á íslenska landsliðsmanninum Birki Bjarnasyni samkvæmt the Sunday People.

Þýska úrvalsdeildarliðið Nürnberg ku einnig hafa áhuga á Birki sem hefur verið án félags síðan samningi hans við Aston Villa var rift í síðasta mánuði.

Fyrr í þessum mánuði var Birkir orðaður við lið í Danmörku, þ.á.m. meistara FC København.

Birkir lék alls 53 leiki fyrir Aston Villa á árunum 2017-19 og skoraði sex mörk. Þar áður lék hann með Basel. Hann varð einu sinni svissneskur meistari með liðinu.

Birkir var í byrjunarliði Íslands í báðum leikjum liðsins í undankeppni EM 2020 fyrr í þessum mánuði og skoraði gegn Moldóvu á Laugardalsvellinum.

Íslenska landsliðshópurinn fyrir leikina gegn Frakklandi og Andorra í næsta mánuði verður tilkynntur á föstudaginn.