Rannsaka atvik á milli Jonny og boltastráks á Anfield

Jonny, varnarmaður Úlfanna, gæti verið í vandræðum því Liverpool rannsakar nú atvik sem á að hafa átt sér stað á milli hans og boltastráks á Anfield.

Liverpool vann 1-0 sigur á Úlfunum í ensku úrvalsdeildinni í dag í leik þar sem umræða um varsjánna hefur verið allsráðandi.

Nú hefur hins vegar annað atvik bæst við í umræðuna því Sky Sports greindi frá því að Liverpool hefði hafið rannsókn á atviki sem tengist Jonny og boltastrák.

Ekki kemur fram í frétt Sky hvað á að hafa farið fram í þessu atviki, aðeins að það hafi verið þegar Jonny var að sækja boltann. Liverpool vildi ekki tjá sig frekar um málið að svo stöddu.