Makamál

Umgengni og húsverk helsta ástæða rifrilda

Sylvía Rut Sigfúsdóttir skrifar
Könnun Makamála á rifrildum við maka sýndi áhugaverðar niðurstöður.
Könnun Makamála á rifrildum við maka sýndi áhugaverðar niðurstöður. Mynd/Getty

Samkvæmt niðurstöðum síðustu könnunar Makamála er deilt um húsverk og umgengni í mörgum samböndum. 21 prósent þátttakanda svöruðu að umgengni og húsverk væri helsta ástæða rifrilda við makann. 16 prósent sögðu fjármál aðal ágreiningsefnið og 16 prósent völdu tíma og forgangsröðun. Þar á eftir kom kynlíf en 13 prósent þátttakanda sagði það helstu ástæðu rifrildia við makann. 

Ása Ninna ræddi niðurstöðurnar í Brennslunni í morgunn og velti þá fyrir sér hvort um rifrildi um húsverk sé að ræða eða hvort þátttakendur hafi átt við nöldur eða tuð. Klippuna má finna hér að neðan.

Það er allavega nokkuð ljóst að umgengni og húsverk er eitthvað sem veldur ágreiningi í samböndum lesenda Makamála. Það kemur kannski ekki á óvart að fjármál eru þarna ofarlega á lista enda gengur fólki misvel að spara. Það eru ekki öll pör sammála um það hvernig tímanum er varið og hvar sambandinu eða fjölskyldunni er forgangsraðað. Ekki er ólíklegt að vinna, áhugamál og félagslíf sé þar að valda erjum. Allar niðurstöður könnunarinnar má finna neðar í fréttinni. 

Klippa: Flestir rífast um húsverk, fjármál og forgangsröðun

Niðurstöður*

Hver er helsta ástæða rifrildis við maka? 

Fjármál: 16 %

Kynlíf: 13 %

Fjölskyldan/tengdafjölskyldan: 5 %

Vinir: 0 %

Tími/Forgangsröðun: 16 %

Afbrýðisemi/Fyrrverandi: 7 %

Hefðir: 1 %

Rómantík/Nánd: 3 %

Börn/Stjúpbörn/Uppeldi: 6 %

Umgengni/Húsverk :21 %

Matur: 2 %

Annað: 10 %

*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.


Tengdar fréttir






Fleiri fréttir

Sjá meira


×