Makamál

Vinsælast að vera undir stýri eða úti í mýri

Sylvía Rut Sigfúsdóttir skrifar
Niðurstöður við spurningu vikunnar sýna að þegar kemur að kynlífi á almannafæri þá kjósa flestir lesendur að vera í bíl eða úti í náttúrunni.
Niðurstöður við spurningu vikunnar sýna að þegar kemur að kynlífi á almannafæri þá kjósa flestir lesendur að vera í bíl eða úti í náttúrunni. Vísir/Getty

Samkvæmt niðurstöðum könnunar makamála finnst flestum lesendum spennandi að stunda kynlíf í bíl ef stunda á kynlíf á almannafæri. Tæplega 6.000 lesendur hafa svarað könnun okkar þegar þetta er skrifað. Svör lesenda voru mjög dreifð á alla valmöguleikana en í efsta sæti var „í bíl“ og fast þar á eftir kom „úti í náttúrunni“ sem er skondið í ljósi þess hvernig veðurfarið er hér á landi.

Skemmtistaðir, hótelgluggar og vinnustaðir eru líka vinsælir kostir ef marka má lesendur Makamála. Það kemur örlítið á óvart að níu prósent sögðu mest spennandi að stunda kynlíf, það þarf þó ekki að þýða samfarir, í bíó eða leikhúsi. Það er greinilega ýmislegt sem gerist í myrkum sal fullum af fólki.

Hvort sem fólk er haldið svokallaðri sýniþörf þá virðist þessi þörf eða löngun vera nokkuð algeng meðal fólks. Að vera á almannafæri er í raun allir staðir fyrir utan veggja heimilisins og kynlíf þarf ekki bara að eiga við um samfarir. Vinsælustu staðirnir hjá lesendum okkar eru bílar, úti í náttúrinni, skemmtistaðir, hótelgluggar og vinnustaðir.

Eins og við höfum fjallað um hér á Makamálum er kynlíf á almannafæri eitt algengasta blætið tengt kynlífi. Síðasta könnun okkar sýndi einmitt að flestir lesendur höfðu prófað það og þeir sem höfðu ekki gert það áður höfðu flestir áhuga á að prófa það.

Ása Ninna mætti í Brennsluna í morgun og ræddi niðurstöðurnar.

Klippa: Vinsælast að vera undir stýri eða úti í mýri

Niðurstöður*:

Að vera á almannafæri er í raun allir staðir fyrir utan veggja heimilisins og kynlíf þarf ekki bara að eiga við um samfarir.
 
Í bíl – 13 %
Úti í náttúrunni – 12 %
Í hótelglugga – 11 %
Á vinnustað – 11 %
Á skemmtistað – 10 %
Í bíó/leikhúsi – 9 %
Í búningsklefa/mátunarklefa – 7 %
Úti á svölum – 6 %
Í skóla/á bókasafni – 6 %
Í kirkju – 4 %
Á almenningssalerni - 4 %
Í sundi/náttúrulaugum – 3 %
Á veitingastað/Kaffihúsi – 2 %
Annar staður – 2 %
 
*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.