Viðskipti innlent

Eldur sagður kveikja gullæði á Grænlandi

Kristján Már Unnarsson skrifar
Eldur Ólafsson, stofnandi og framkvæmdastjóri AEX Gold.
Eldur Ólafsson, stofnandi og framkvæmdastjóri AEX Gold. Stöð 2/Egill Aðalsteinsson.

Gullæði á Grænlandi. Þannig hljómar fyrirsögn eins grænlensku fjölmiðlanna eftir að fréttir bárust um stóran gullfund fyrirtækis, sem Íslendingar standa að. Landssjóður Grænlands er einnig í hópi stærstu eigenda. Þetta kom fram í fréttum Stöðvar 2. 



Gullæði í suðri. Hundrað ný störf á leiðinni, segir blaðið Sermitsiaq, um kanadíska félagið AEX Gold með Íslendinginn Eld Ólafsson í fararbroddi sem er að endurvekja gullvinnslu á Suður-Grænlandi.

Frá einni gullnámunni á Suður-Grænlandi.Mynd/AEX Gold.

Grænlendingar eru þátttakendur í gegnum opinbera sjóði. 



„Sem eru Danish Growth Fund og Greenland Venture Fund, sem eru ríkisreknir sjóðir í Danmörku og Grænlandi,“ segir Eldur, en samtals eiga sjóðirnir um tíu prósent í félaginu. 



Stærsti hluthafinn er bandarískur sjóður, með um tuttugu prósent, en Eldur áætlar að liðlega þrjátíu prósent hlutafjár séu í höndum Íslendinga.

Frá búðum gullleitarmanna.Mynd/AEX Gold.

Lykilatriði segir hann að gullvinnslan verði með lágmarks umhverfisáhrifum. 



„Gull er ekki bara notað í skartgripi og fyrir seðlabanka heldur er gull meira og meira notað í tæknigeiranum í heiminum; tölvur, allskonar rannsóknir og tækjabúnað, sem er notaður í geimnum og slíkt.



Þannig að það er mikilvægt að geta búið til eins hreint og gott efni og mögulega getur orðið. Grænland er alveg fullkominn staður fyrir það.“

Gulls leitað í bröttum fjallshlíðum.Mynd/AEX Gold.

Gullleitamenn hafa notast við klifurbúnað í fjallshlíðum en myndirnar frá Grænlandi sýna líka vegi sem fyrra námufélag hafði lagt áður en það fór í þrot.

Fara þarf yfir óbrúaðar ár.Mynd/AEX Gold.

„Það er búið að byggja upp fyrir í kringum 200 milljónir dollara; vegi, hafnir, alla innviði, námuna, vinnsluplanið sjálft. Þetta er oft stærsti áhættuþátturinn í uppbyggingu á svona verkefnum,“ segir Eldur.

Fjallshlíðarnar þar sem gullsins er leitað eru á köflum snarbrattar.Mynd/AEX Gold.

Stjórnarformaður AEX Gold er Graham Stewart. Hann er Skoti af færeyskum ættum og tók við fyrsta sérleyfinu á Drekasvæðinu árið 2013 sem þáverandi forstjóri Faroe Petroleum, eins olíufélaganna. Það var í gegnum olíuleitina sem þeir Eldur kynntust. 



Sjá hér: Olíuvinnsluleyfi afhent 



Í frétt Stöðvar 2 í fyrradag kom fram að gullæðar, sem þegar hafa fundist, séu taldar um fimmtíu milljarða króna virði. 



Sjá hér: Gullfundur Íslendinga á Grænlandi talinn fimmtíu milljarða króna virði

Graham Stewart, stjórnarformaður AEX Gold, tók sem forstjóri Faroe Petroleum við fyrsta olíuleitarleyfinu á Drekasvæði árið 2013 í ráðherratíð Steingríms J. Sigfússonar. Stewart, sem á færeyska móður, lét af forstjórastarfinu fyrr á þessu ári eftir að norska olíufélagið DNO yfirtók Faroe.Stöð 2/Baldur Hrafnkell Jónsson.

-Þýðir það ekki að þú ert að verða ríkur? 



„Nei, það þýðir það ekki í dag. Verðmæti félagsins í dag er í kringum þrír milljarðar, heildarverðmæti félagsins. Og það eru auðvitað ennþá áhættur í verkefninu. Og við tökumst á við þær bara skref fyrir skref. Þetta er langtímaverkefni,“ svarar Eldur.

Grænlenskur bátur dregur pramma með gámi gullleitarmanna.Mynd/AEX Gold.

Þar skipti máli að fundist hafi gullæðar á fleiri svæðum. 



„Það eyðist það sem af er tekið. Og við þurfum að finna meira og byggja upp auðlindina á þann hátt að við séum ekki bara þarna í einhver 2-3 ár heldur vonandi til lengri tíma og getum þar af leiðandi tekið þátt í að byggja upp samfélagið þarna og umhverfið á þann hátt að hafa langtímasýn í huga,“ segir Eldur. 



Hér má sjá frétt Stöðvar 2:


Tengdar fréttir

Leiðir gullgrafaraævintýri á Grænlandi

Alopex Gold hefur undir höndum leyfi á þremur gullnámusvæðum á Grænlandi, Nalunaq, Vagar og Tartoq. Eldur Ólafsson er forstjóri fyrirtækisins og einn stofnenda. Í sumar fóru fram boranir í Nalunaq sem staðfesta framhald aðalgullæðarinnar en það eykur vissuna að til staðar séu 1,2 milljónir únsa af gulli.

Vonast til að olíuframleiðslan hefjist eftir 7-8 ár

Olíuframleiðsla á landgrunni Íslands gæti hafist eftir sjö til átta ár og fyrsti borpallurinn komið eftir þrjú til fjögur ár. Þetta segir forstjóri skoska olíufélagsins Faroe Petroleum, sem nú er orðinn rétthafi fyrsta olíuvinnsluleyfis í lögsögu Íslands. Olíumálaráðherra Noregs segir leyfisútgáfuna í dag sögulegan viðburð. Norski olíumálaráðherrann Ola Borten Moe mætti í Ráðherrabústaðinn klukkan níu í morgun ásamt fylgdarliði til fundar við Steingrím J. Sigfússon atvinnuvegaráðherra og áttu fulltrúar ríkjanna klukkustundarlangan fund áður en kom að stóru stundinni.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MAREL
1,57
13
108.045
EIK
1,56
3
46.561
ARION
1,01
9
128.645
HAGA
1,01
6
90.126
SKEL
0,65
6
104.251

Mesta lækkun dagsins


Félag
Br.%
Fjöldi
Velta*
ICEAIR
-7,21
35
15.820
ORIGO
-0,35
3
39.210
EIM
-0,19
6
13.518
BRIM
0
2
6.348
SIMINN
0
6
90.798
Velkomin á Vísi. Þessi vefur notar vafrakökur. Sjá nánar.