Stelpurnar burstuðu Færeyjar

Íslenska kvennalandsliðið í handbolta rúllaði yfir Færeyjar í síðari vináttulandsleik liðanna en liðin mættust tvívegis að Ásvöllum um helgina.

Ísland vann fimmtán marka sigur, 34-19, í leik liðanna í dag eftir að hafa unnið naumari sigur í leik liðanna í gær.

Stelpurnar voru þó bara tveimur mörkum yfir í hálfleik, 13-11, en spýttu í lófana í síðari hálfleik og keyrðu yfir gestina frá Færeyjum.

Kar­en Knúts­dótt­ir skoraði sjö mörk og var aftur markahæst hjá liði Íslands en Hrafnhildur Hanna Þrastardóttir gerði fjögur mörk.