Handbolti

Viggó aftur að fá nýjan samning í Þýskalandi

Arnar Geir Halldórsson skrifar
Viggó í leik með West Wien.
Viggó í leik með West Wien. vísir/getty
Íslenski handknattleiksmaðurinn Viggó Kristjánsson hefur samið við annað þýska úrvalsdeildarliðið á innan við mánuði ef marka má staðarblaðið í Stuttgart.

Þar segir að Viggó hafi náð samkomulagi um að ganga til liðs við Stuttgart næsta sumar.

Þetta var jafnframt fullyrt í hlaðvarpsþættinum Handkastið í gær.

Aðeins eru nokkrir dagar síðan Viggó færði sig um set í þýsku úrvalsdeildinni þegar hann fór frá Leipzig og gekk í raðir Wetzlar.

Viggó er á sínu fyrsta ári í þýska boltanum en hann gekk til liðs við Leipzig frá austurríska úrvalsdeildarliðinu West Wien síðasta sumar.

Gangi Viggó í raðir Stuttgart hittir hann fyrir landa sinn þar sem Mosfellingurinn Elvar Ásgeirsson er á mála hjá félaginu en hann er einnig á sínu fyrsta ári í þýska boltanum eftir að hafa yfirgefið Aftureldingu 


Tengdar fréttir

Sportpakkinn: Viggó samdi við Wetzlar

Viggó Kristjánsson hefur færst sig um set í þýsku úrvalsdeildinni í handbolta en hann mun spila með Wetzlar það sem eftir er tímabils.




Fleiri fréttir

Sjá meira


×