Handbolti

Seinni bylgjan: Lokakaflinn í Eyjum var ekki fyrir hjartveika

Óskar Ófeigur Jónsson skrifar
Fjölnismenn fagna sigri í leikslok.
Fjölnismenn fagna sigri í leikslok. Skjámynd/S2 Sport

Fjölnismenn unnu glæsilegan sigur í Vestmannaeyjum í áttundu umferð Olís deildar karla í handbolta og Seinni bylgjan fór yfir lokakafla leiksins þar sem mikið gekk á.

„Fjölnismenn voru ansi nærri því að kasta þessu frá sér undir lokin,“ sagði Henry Birgir Gunnarsson, umsjónarmaður Seinni bylgjunnar og fór yfir lok leiksins með sérfræðingum þáttarins.

„Fjölnismenn voru með þriggja marka forskot og það var bara allt geðbilað í húsinu. Frábær stemmning,“ sagði Henry Birgir.

„Það var vitað mál að ÍBV myndi koma með áhlaup á lokamínútunum og það var vel gert hjá Fjölni að standast það,“ sagði Guðlaugur Arnarsson, sérfræðingur hjá Seinni bylgjunni.

„Þetta voru svona dæmigerðar ákvarðanir hjá óreyndu liði. Þeir klikka á dauðafæri og taka slæmar ákvarðanir. Það er ekki auðvelt að æfa svona síðustu fimm mínúturnar,“ sagði Halldór Jóhann Sigfússon.

Það má sjá lokakaflanum í leiknum í Eyjum hér fyrir neðan en hann var ekki fyrir hjartveika.


Klippa: Seinni bylgjan: Lokakaflinn í Eyjum



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.