Erlent

Áttatíu slösuðust í átökum í Barcelona

Atli Ísleifsson skrifar
Mótmæli hafa nú staðið yfir í borginni í þrjá daga.
Mótmæli hafa nú staðið yfir í borginni í þrjá daga. Getty

Til mikilla átaka kom í Barcelona í Katalóníu í nótt og segja spænsk yfirvöld að áttatíu hafi slasast, þar af 46 lögreglumenn.

Mótmæli hafa nú staðið yfir í borginni í þrjá daga en mikil reiði er í Katalóníu vegna dóma sem kveðnir voru upp yfir leiðtogum sjálfstæðissinna í héraðinu. 33 voru handteknir í nótt og fjórir voru í kjölfarið hnepptir í varðhald.

Í morgun voru mótmælendur aftur mættir og lokuðu meðal annars fjölfarinni hraðbraut sem tengir Frakkland og Spán.

Búist er við því að enn bæti í mótmælin um helgina þegar stéttarfélög Katalóníu ætla að taka þátt, en námsmenn hafa verið í miklum meirihluta mótmælenda hingað til.

Quim Torra, forseti héraðsstjórnarinnar, hefur fordæmt allt ofbeldi og segir að því verði að ljúka þegar í stað. Segir hann að ofbeldisseggir, sem ekki tengjast hreyfingu aðskilnaðarsinna, séu með aðgerðum sínum að reyna að koma óorði á baráttu aðskilnaðarsinna.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.