Enski boltinn

Wijnaldum: Erum ekki orðnir meistarar

Anton Ingi Leifsson skrifar
Wijnaldum í leiknum gegn Leicester um helgina.
Wijnaldum í leiknum gegn Leicester um helgina.
Georginio Wijnaldum, miðjumaður Liverpool, segir að leikmenn Liverpool hunsi allt tal um að Liverpool sé orðið meistari eftir átta umferðir í enska boltanum.

Silfurliðið frá því á síðustu leiktíð hefur farið mjög vel af stað í upphafi tímabilsins og hefur unnið fyrstu átta leikina á meðan Englandsmeistararnir í Man. City hafa hikstað.

Liverpool er komið með átta stiga forystu eftir átta umferðir en Hollendingurinn segir að leikmenn Liverpool séu enn mjög einbeittir á verkefnið.

„Við höldum ekki að við séum orðnir meistarar. Það væri mjög rangt. Ég er viss um að stjórinn mun halda okkur á jörðinni og segja okkur að hugsa um sjálfa okkur. Við munum reyna spila vel og gefa allt í hverri einustu viku,“ sagði sá hollenski.







„Við verðum bara gera það sem við gerðum áður og prufa að horfa ekki á önnur lið því við getum ekki haft áhrif á önnur lið. Við getum ekki stýrt því hvernig þau spila.“

„Við verðum að vera klárir í hvern einasta leik og reyna fá góð úrslit úr þeim leikjum því við vitum að þetta getur breyst fljótt. Í lok tímabilsins munum við svo sjá hvernig við stöndum,“ sagði Wijnaldum.

Hann verður í eldínunni með Hollandi á fimmtudagskvöldið er liðið mætir Norður-Írlandi í undankeppni EM 2020 en leikurinn er toppslagur í riðlinum.

Enski boltinn

Mest lesið


Fleiri fréttir

Sjá meira


×

Mest lesið