Ákærðir fyrir árásina á Kolasinac og Özil
Tveir menn hafa verið ákærðir fyrir að reyna ræna þeim Mesut Özil og Sead Kolasinac er þeir keyrðu um götur Lundúna í júlímánuði. Málið verður tekið fyrir í næstu viku.
Tveir Englendingar, annar þrítugur og hinn 26 ára, voru handteknir í kjölfar árásarinnar en ráðist var á bíl Özil og Kolasinac. Þeim var ógnað með stærðarinnar hníf en Kolasinac sýndi mikinn hug og fældi þá í burtu.
BREAKING Two men charged over attempted robbery of Arsenal pair Mesut Ozil and Sead Kolasinac https://t.co/vcDo9VADII pic.twitter.com/EBjAfjKCGS
— Mirror Football (@MirrorFootball) September 24, 2019
Arsenal-mennirnir náðu svo að koma sér á veitingastað í nágrenninu þar sem lögreglan kom til sögunnar en báðir misstu þeir af byrjun Arsenal í ensku úrvalsdeildinni vegna atviksins.
Óttast var um öryggi þeirra tveggja eftir atvikið en öryggisgæsla var hert í kringum hús þeirra og réð Özil meðal annars lífverði sem fylgdu honum hvert fótspor.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
