Kompany fær styttu fyrir utan Etihad
Manchester City ætlar að byggja styttu af fyrrum fyrirliða sínum Vincent Kompany fyrir utan Etihad völlinn.
Kompany yfirgaf City í vor en í gær fór fram kveðjuleikur hans á Etihad vellinum. Við það tilefni tilkynnti City um að byggja ætti styttuna og verður ein gatan í kringum æfingasvæði félagsins skýrð Vincent Kompany Cresent.
„Það er ótrúlegur heiður að fá þessa viðurkenningu frá þessu sérstaka félagi,“ sagði Belginn en hann spilaði 360 leiki fyrir City.
„Ferðalagið sem við fórum á saman þessi 11 ár sem ég var í Manchester breyttu lífi mínu og ég er mjög ánægður með að hafa átt þátt í að skrifa sögu félagsins.“
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
