Handboltalandsliðið á hrakhólum Benedikt Bóas Hinriksson skrifar 12. september 2019 11:00 Gólfflöturinn er of lítill fyrir alþjóðlega keppni og er HSÍ og KKÍ á undanþágum frá alþjóðasamböndum. Tug milljóna króna tap var af rekstri hallarinnar árin 2016 og 2017. Fréttablaðið/Anton Laugardalshöllin stenst ekki alþjóðlegar kröfur, gólfflöturinn er ekki nógu stór, og hefur HSÍ þurft að reiða sig á velvilja Alþjóðahandboltasambandsins um að landsleikir megi fara hér fram. Höllin var vígð 1965 og erfitt er að finna eldri hallir í Evrópu – ef þær eru þá til. Færeyingar misstu sína undanþágu í fyrra og léku þeir landsleiki sína í Danmörku. Guðmundur B. Ólafsson, formaður HSÍ, segir að það muni þó ekki gerast í haust en trúlega sé að styttast í að íslenskur landsleikur verði leikinn erlendis ef ekkert fer að gerast. Þá sé hvimleitt að landsliðsæfingar eru haldnar út um hvippinn og hvappinn og forsvarsmenn HSÍ segja mjög nauðsynlegt fá nýja höll. „Við erum ekki akkúrat á sama stað og Færeyingar voru en það gæti auðvitað gerst. Okkur hefur verið bent á að það þurfi eitthvað að fara að gerast í okkar málum og þetta geti ekki gengið svona til lengdar. Það er þó ekki verið að fara loka á okkur í haust eða næsta vetur en við uppfyllum ekki þessar kröfur sem gerðar eru í dag. Ég hef ekki aðeins verið að horfa á handboltann í þessu samhengi heldur aðrar íþróttir líka. Hvernig hús þarf hér að rísa svo körfuboltinn, fimleikar og fleiri séu sáttir – því þetta kostar mikla peninga. Það sem hefur gerst er að ríki og borg hafa rætt um þetta og það er vinna í gangi innan borgarinnar. En þetta er samt ekki komið mjög langt,“ bendir Guðmundur á. Evrópumótið í handbolta fer fram í janúar og fer það fram í þremur löndum. Austurríki, Noregi og Svíþjóð. Guðmundur segir að nú, þegar lönd eru farin að skipta mótum sín á milli, gæti hann alveg hugsað sér að HSÍ fái að vera með og komi með einn riðil til landsins einhvern tímann í framtíðinni. „Við viljum fá stórmót hingað. Það er verið að skipta þessu upp en við getum ekki verið með í því einfaldlega út af því að við uppfyllum ekki skilyrði.“ Hann segir að það séu til teikningar af stækkun hallarinnar en það sé hans mat að þær dugi ekki. Ný höll sé því besta svarið. „Við höfum talið skynsamlegra að líta til lengri tíma en að eyða tíma og peningum að lagfæra höllina því lagfæring myndi ekki gera mikið.“Guðmundur B. Ólafsson.vísir/vilhelmHeildarskuldir tveir milljarðar Það er þétt setið um Laugardalshöll hvort sem það er vegna Eurovision, flokksþinga, árshátíða eða annars. Höllin er í mikilli notkun. Ársreikningur hallarinnar, sem er í eigu Reykjavíkurborgar og Samtaka iðnaðarins, frá 2017 sýnir að tap var af rekstri félagsins upp á 22 milljónir króna. Heildareignir námu um þremur milljörðum en heildarskuldir námu um 2,2 milljörðum. Eigið fé nam 667,8 milljónum. Enginn ársreikningur hefur borist fyrir árið 2018. Í einni fundargerð HSÍ kemur fram að vandamál hafi komið upp vegna fyrirhugaðs landsleiks við Svía á fimmtudegi. „ÍBR hefur sagt Laugardalshöll vera upptekna á fimmtudeginum.“ Svo mörg voru þau orð. Guðmundur segir að þetta geti gerst. „Þetta kemur oft upp að höllin sé pöntuð og bókanir eru að misfarast en við höfum litið svo á að landsleikir eigi að hafa ákveðinn forgang. En það geta orðið árekstrar.“ Þá bendir Guðmundur á æfingaaðstöðu landsliða Íslands, eða skort á henni. „Við erum á hrakhólum og úti um allt, upp á náð og miskunn fyrir öll okkar landslið. Við erum með fimm yngri landslið í úrslitakeppnum og það þarf að æfa fyrir það. Við höfum átt velvild í Hafnarfirði og Seltjarnarnesi en þetta er svolítið púsl. Við viljum fá aðstöðu fyrir okkar fólk og höfum gert grein fyrir hver okkar þörf er. Það má segja það sama um körfuna því þeir eru á sama stað og við.“ Birtist í Fréttablaðinu Íslenski handboltinn Mest lesið Rooney sakar meidda leikmenn United um að vilja ekki spila Enski boltinn Sjáðu rauðu spjöld KR-inga, mark beint úr horni og öll hin mörkin í gær Íslenski boltinn Havertz: „Verð mesti stuðningsmaður Tottenham í sögunni“ Enski boltinn Segir að staðan hjá United sé miklu verri en hún var hjá Moyes Enski boltinn Atlanta Hawks fá fyrsta valrétt í nýliðavalinu Körfubolti Sungu nafn Arnórs hástöfum Fótbolti „Allt þetta umtal um hvernig hann hagar sér er orðið þreytt“ Körfubolti „Verður gönguferð í garðinum fyrir þá“ Körfubolti „Þetta er saga tímabilsins og það gengur ekki lengur“ Fótbolti „Höfum ekki haft neitt svigrúm til að gera mistök“ Enski boltinn Fleiri fréttir „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár Sjá meira
Laugardalshöllin stenst ekki alþjóðlegar kröfur, gólfflöturinn er ekki nógu stór, og hefur HSÍ þurft að reiða sig á velvilja Alþjóðahandboltasambandsins um að landsleikir megi fara hér fram. Höllin var vígð 1965 og erfitt er að finna eldri hallir í Evrópu – ef þær eru þá til. Færeyingar misstu sína undanþágu í fyrra og léku þeir landsleiki sína í Danmörku. Guðmundur B. Ólafsson, formaður HSÍ, segir að það muni þó ekki gerast í haust en trúlega sé að styttast í að íslenskur landsleikur verði leikinn erlendis ef ekkert fer að gerast. Þá sé hvimleitt að landsliðsæfingar eru haldnar út um hvippinn og hvappinn og forsvarsmenn HSÍ segja mjög nauðsynlegt fá nýja höll. „Við erum ekki akkúrat á sama stað og Færeyingar voru en það gæti auðvitað gerst. Okkur hefur verið bent á að það þurfi eitthvað að fara að gerast í okkar málum og þetta geti ekki gengið svona til lengdar. Það er þó ekki verið að fara loka á okkur í haust eða næsta vetur en við uppfyllum ekki þessar kröfur sem gerðar eru í dag. Ég hef ekki aðeins verið að horfa á handboltann í þessu samhengi heldur aðrar íþróttir líka. Hvernig hús þarf hér að rísa svo körfuboltinn, fimleikar og fleiri séu sáttir – því þetta kostar mikla peninga. Það sem hefur gerst er að ríki og borg hafa rætt um þetta og það er vinna í gangi innan borgarinnar. En þetta er samt ekki komið mjög langt,“ bendir Guðmundur á. Evrópumótið í handbolta fer fram í janúar og fer það fram í þremur löndum. Austurríki, Noregi og Svíþjóð. Guðmundur segir að nú, þegar lönd eru farin að skipta mótum sín á milli, gæti hann alveg hugsað sér að HSÍ fái að vera með og komi með einn riðil til landsins einhvern tímann í framtíðinni. „Við viljum fá stórmót hingað. Það er verið að skipta þessu upp en við getum ekki verið með í því einfaldlega út af því að við uppfyllum ekki skilyrði.“ Hann segir að það séu til teikningar af stækkun hallarinnar en það sé hans mat að þær dugi ekki. Ný höll sé því besta svarið. „Við höfum talið skynsamlegra að líta til lengri tíma en að eyða tíma og peningum að lagfæra höllina því lagfæring myndi ekki gera mikið.“Guðmundur B. Ólafsson.vísir/vilhelmHeildarskuldir tveir milljarðar Það er þétt setið um Laugardalshöll hvort sem það er vegna Eurovision, flokksþinga, árshátíða eða annars. Höllin er í mikilli notkun. Ársreikningur hallarinnar, sem er í eigu Reykjavíkurborgar og Samtaka iðnaðarins, frá 2017 sýnir að tap var af rekstri félagsins upp á 22 milljónir króna. Heildareignir námu um þremur milljörðum en heildarskuldir námu um 2,2 milljörðum. Eigið fé nam 667,8 milljónum. Enginn ársreikningur hefur borist fyrir árið 2018. Í einni fundargerð HSÍ kemur fram að vandamál hafi komið upp vegna fyrirhugaðs landsleiks við Svía á fimmtudegi. „ÍBR hefur sagt Laugardalshöll vera upptekna á fimmtudeginum.“ Svo mörg voru þau orð. Guðmundur segir að þetta geti gerst. „Þetta kemur oft upp að höllin sé pöntuð og bókanir eru að misfarast en við höfum litið svo á að landsleikir eigi að hafa ákveðinn forgang. En það geta orðið árekstrar.“ Þá bendir Guðmundur á æfingaaðstöðu landsliða Íslands, eða skort á henni. „Við erum á hrakhólum og úti um allt, upp á náð og miskunn fyrir öll okkar landslið. Við erum með fimm yngri landslið í úrslitakeppnum og það þarf að æfa fyrir það. Við höfum átt velvild í Hafnarfirði og Seltjarnarnesi en þetta er svolítið púsl. Við viljum fá aðstöðu fyrir okkar fólk og höfum gert grein fyrir hver okkar þörf er. Það má segja það sama um körfuna því þeir eru á sama stað og við.“
Birtist í Fréttablaðinu Íslenski handboltinn Mest lesið Rooney sakar meidda leikmenn United um að vilja ekki spila Enski boltinn Sjáðu rauðu spjöld KR-inga, mark beint úr horni og öll hin mörkin í gær Íslenski boltinn Havertz: „Verð mesti stuðningsmaður Tottenham í sögunni“ Enski boltinn Segir að staðan hjá United sé miklu verri en hún var hjá Moyes Enski boltinn Atlanta Hawks fá fyrsta valrétt í nýliðavalinu Körfubolti Sungu nafn Arnórs hástöfum Fótbolti „Allt þetta umtal um hvernig hann hagar sér er orðið þreytt“ Körfubolti „Verður gönguferð í garðinum fyrir þá“ Körfubolti „Þetta er saga tímabilsins og það gengur ekki lengur“ Fótbolti „Höfum ekki haft neitt svigrúm til að gera mistök“ Enski boltinn Fleiri fréttir „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár Sjá meira