Handbolti

GOG byrjar á sigri í Meistaradeildinni

Eiríkur Stefán Ásgeirsson skrifar
Óðinn skoraði tvö mörk í oddaleiknum gegn Skjern.
Óðinn skoraði tvö mörk í oddaleiknum gegn Skjern. vísir/eyþór

Danska liðið GOG fer vel af stað í Meistaradeild Evrópu í handbolta en liðið hafði betur gegn Kristianstad í Svíþjóð í dag, 33-24.

Óðinn Þór Ríkharðsson skoraði tvö mörk fyrir GOG en markvörðurinn Viktor Gísli Hallgrímsson leikur einnig með liðinu. Arnar Freyr Arnarsson spilaði líka með GOG í dag en náði ekki að skora.

Teitur Örn Einarsson skoraði sex mörk fyrir Kristianstad og var markahæstur í sænska liðinu. Ólafur Guðmundsson spilaði ekki með Kristianstad í dag vegna meiðsla.

Gísli Þorgeir Kristjánsson komst ekki á blað þegar Kiel og Kielce gerðu jafntefli, 30-30, í spennandi leik í B-riðli. Kielce var marki yfir í hálfleik, 15-14, en þýska liðið var með frumkvæðið undir lokin. Það dugði þó ekki til og Kielce tryggði sér gott stig í Þýskalandi.

Nikola Bilyk var markahæstur í liði Kiel með sjö mörk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.