Innlent

Framkvæmdir við Hlemm hafa áhrif á strætóferðir

Kjartan Kjartansson skrifar
Hlemmur er ein helsta miðstöð Strætó á höfuðborgarsvæðinu. Búast má við seinkunum þar á morgun vegna framkvæmdanna.
Hlemmur er ein helsta miðstöð Strætó á höfuðborgarsvæðinu. Búast má við seinkunum þar á morgun vegna framkvæmdanna. Vísir/Vilhelm
Malbikunarframkvæmdir við Hlemm hafa mikil áhrif á nokkrar leiðir Strætó á morgun og mega farþegar búast við einhverjum seinkunum á svæðinu. Hluti stöðvarinnar verður óvirkur vegna framkvæmdanna og verða bráðabirgðastoppistöðvar settar upp í kringum hana.

Malbika á Snorrabraut milli Laugavegs og Hverfisgötu á morgun. Framkvæmdirnar eiga að hefjast klukkan níu og standa yfir fram eftir degi, að því er segir í tilkynningu frá Strætó. Af þeim sökum verður ekki hægt að aka um sundið sem liggur á milli Mathallarinnar og veitingastaðarins Hlemms Square.

Bráðabirgðastoppistöðvar verða settar upp á þremur stöðum á og við Hlemm. Hægt er að sjá stöðvarnar á myndinni hér fyrir neðan.

  • Bráðabirgðastoppistöð A – staðsett á Laugavegi, sunnan megin við Mathöllina
  • Leiðir 5 og 15 sem eru á leið vestur í bæ stoppar hér.
  • Bráðabirgðastoppistöð B – staðsett á Rauðarárstíg, austan megin við Mathöllina.
  • Leiðir 11, 12, 13 og 14 á leið vestur í bæ stoppa hér.
  • Leiðir 5 og 15 á leið austur stoppa hér.
  • Bráðabirgðastoppistöð C – staðsett á Rauðarárstíg við lögreglustöðina.
  • Leiðir 2, 4 og 18 stoppa hér.



Fleiri fréttir

Sjá meira


×