Viðskipti innlent

Innkalla Volvo XC90 vegna hættu á morknun

Stefán Ó. Jónsson skrifar
Bíltegundin sem um ræðir.
Bíltegundin sem um ræðir. Brimborg

Bílaumboðið Brimborg þarf að innkalla á annað hundrað Volvo lúxusjeppa. Ástæða innköllunarinnar er að kælivatnshosa í bílunum, sem eru af tegundinni XC 90 og árgerð 2016, getur morknað vegna hita og rakabreytinga. 

Volvo XC90 er margverðlaunaður, var meðal annars útnefndur Bíll ársins á Íslandi árið 2016. 

Bílarnir þurfa því að undirgangast viðgerð þar sem skipt verður um kælivatnshosuna í öllum bílunum, sem eru alls 165 talsins hér á landi. Fram kemur á vef Neytendastofu að viðkomandi bifreiðaeigendum verði tilkynnt um innköllunina bréfleiðis.

„Neytendastofa hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband við umboðið ef þeir eru í vafa,“ eins og segir á vef stofnunarinnar.

Þrátt fyrir að þess sé ekki getið má ætla að um alþjóðlega innköllun að ræða. Þannig var greint frá því í apríl á þessu ári að Volvo hafi innkallað rúmlega 34 þúsund bifreiðar sömu tegundar vegna áþekkrar hættu. Þá greindu erlendir miðlar frá því í gær að Volvo þyrfti að innkalla rúmlega 500 þúsund bíla vegna galla sem í einstaka jaðartilfellum getur valdið eldhættu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.