Eldur kom upp í kjallara íþróttamiðstöðvar Vestmannaeyja
Slökkviliðið Vestmannaeyja var ræst út laust fyrir klukkan átta í kvöld þegar tikynning barst um eld og reyk í kjallara Íþróttamiðstöðvar Vestmannaeyja þar sem kviknað hafði í loftpressu.
Í tilkynningu frá slökkviliðinu segir að starfsmenn hafi verið búnir að slökkva eldinn með snörum handtökum þegar slökkvilið bar að garði. Töluverður reykur var þó í kjallaranum og hafði náð að berast m.a. í sundlaugarsal vegna galla í loftræstikerfi.
Um klukkutíma tók að loftræsta húsnæðið en talið er að minniháttar tjón hafi hlotist af eldsvoðanum, fyrir utan loftpressuna sem eyðilagðist.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
