Óvissustigi aflýst á Vesturlandi
Ríkislögreglustjóri, í samráði við Lögreglustjórann á Vesturlandi, hefur ákveðið að aflýsa óvissustigi almannavarna vegna hættu á gróðureldum á Vesturlandi. Þessi ákvörðun er byggð á því að rignt hefur víðast hvar á Vesturlandi undanfarið og næstu daga er einnig spáð úrkomu.
Það er mat lögreglunnar á Vesturlandi að telja megi að ástand sé að verða svipað og í venjulegu tíðarfari. Óvissustigi vegna hættu á gróðureldum á Vesturlandi var lýst yfir 11. júní síðastliðinn vegna langvarandi þurrka.
Tengdar fréttir
Ekki í kortunum að bæta aðstæður vegna slökkvibíla
Svæðisstjóri Vegagerðarinnar á Vesturlandi segir vel athugandi að Vegagerðin, í samráði við Skorradalshrepp, útbúi athafnasvæði, eða snúningsvæði fyrir slökkvilið og slökkvibíla á svæðinu, en að það sé ekki í kortunum eins og staðan sé núna.
Gæti séð fyrir endann á þurrkatíð á Vesturlandi
Veðurfræðingur segir möguleika á verulegri úrkomu vestan lands eftir helgi.
Sama áhætta á gróðureldum á höfuðborgarsvæðinu og í dreifbýli
Sama áhætta er á gróðureldum á höfuðborgarsvæðinu og í dreifbýli vegna veðursældar, meiri gróðurs og þurrkatíðar. Aðstoðarslökkviliðsstjóri segir að huga þurfi að brunahólfum sem koma í veg fyrir að eldur breiðist út. Varlega þurfi að fara með allan opinn eld.
