Handbolti

Frábær sigur á Þjóðverjum og úrslitaleikur bíður gegn Noregi

Anton Ingi Leifsson skrifar
Á myndinni eru Tjörva Tý Gíslason og Jón Bald Freysson en þeir áttu frábæran leik í vörninni í dag.
Á myndinni eru Tjörva Tý Gíslason og Jón Bald Freysson en þeir áttu frábæran leik í vörninni í dag. mynd/instagram/hsí

Íslenska U19 ára landsliðið í handbolta gerði sér lítið fyrir og skellti Þjóðverjum, 25-23, á æfingamóti í Lubeck í Þýskalandi í dag.

Þjóðverjar byrjuðu betur. Þeir komust í 3-1 en íslenska vörnin skellti í lás og fjórtán mínútum síðar var staðan 8-3, Íslandi í vil.

Ísland leiddi svo í hálfleik með tveimur mörkum, 12-10. Síðari hálfleikurinn var áfram jafn og spennandi en Ísland landaði að lokum tveggja marka sigri, 25-23.

Arnór Snær Óskarsson, leikmaður Vals, var markahæstur en hann skoraði sex mörk. Íslandsmeistarinn Guðjón Baldur Ómarsson kom næstur með fimm mörk.

Liðið leikur því til úrslita á morgun en þar bíða Norðmenn. Flautað verður til leiks klukkan 10.45.

Markaskorarar Íslands: Arnór Snær Óskarsson 6, Guðjón Baldur Ómarsson 5, Dagur Gautason 4, Einar Örn Sindrason 3, Hafsteinn Óli Ramos Rocha 3, Blær Hinriksson 2, Eiríkur Þórarinsson 1, Goði Ingvar Sveinsson 1.

Sigurður Dan Óskarsson varði níu skot í markinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.