Körfubolti

Harden og Davis í bandaríska HM-hópnum

Ingvi Þór Sæmundsson skrifar
Davis og Harden eru í æfingahópi Bandaríkjanna fyrir HM.
Davis og Harden eru í æfingahópi Bandaríkjanna fyrir HM. vísir/getty
Búið er að tilkynna hvaða 20 leikmenn verða í æfingahópi bandaríska karlalandsliðsins fyrir HM í körfubolta sem fer fram í Kína í september.



Leikmennirnir 20 berjast um tólf sæti í lokahópnum sem verður tilkynntur 17. ágúst.



Meðal leikmanna í bandaríska hópnum eru James Harden, sem var valinn bestileikmaður NBA-deildarinnar á síðasta tímabili, og hinn eftirsótti Anthony Davis.



Harden og Davis voru hluti af bandaríska liðinu sem vann HM 2014 sem og Andre Drummond sem er einnig í æfingahópnum. Eric Gordon og Kevin Love voru í sigurliði Bandaríkjanna á HM 2010.



Þjálfari bandaríska liðsins er Gregg Popovich, þjálfari San Antonio Spurs. Hann tók við liðinu af Mike Krzyzewski sem gerði bandaríska liðið tvisvar sinnum að heimsmeisturum og þrisvar sinnum að Ólympíumeisturum.



Bandaríkin eru í riðli með Tékklandi, Tyrklandi og Japan á HM.



Bandaríski æfingahópurinn er skipaður eftirfarandi leikmönnum:



Harrison Barnes 

Bradley Beal 

Anthony Davis 

Andre Drummond

Eric Gordon 

James Harden 

Tobias Harris 

Kyle Kuzma

Damian Lillard 

Brook Lopez 

Kevin Love 

Kyle Lowry

CJ McCollum 

Khris Middleton 

Paul Millsap 

Donovan Mitchell

Jayson Tatum 

PJ Tucker 

Myles Turner 

Kemba Walker

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.