Rafíþróttir

Skyggnst bakvið tjöldin hjá Dusty

Andri Eysteinsson skrifar

Riðlakeppni Lenovo deildarinnar í tölvuleikjunum League of Legends og Counter Strike: Global Offensive er nú lokið eftir sex vikur af baráttu við tölvuskjáinn.

Á meðan að á riðlakeppni stóð var skyggnst bak við tjöldin hjá einu besta LOL liði landsins, Dusty og fylgst með undirbúningi þeirra fyrir leik gegn toppliðinu Frozt.

Rætt var við þá Mikael Dag, sem spilar undir nafninu Nippla og Aron Gabríel, sem spilar undir nafninu Hoiz, um komandi leik við toppliðið Frozt sem fram að viðureigninni hafði ekki tapað einum einasta leik.

„Eina ástæðan fyrir því að Frozt eru búnir að vinna okkur í báðum leikjunum myndi ég segja er að því að það eru „best of one“ leikir, bara spilaður einn leikur. Ef við mætum þeim í úrslitum eða undanúrslitum þar sem er „best of three“ erum við að fara að taka þá, sagði Hoiz.

Þá er einnig rætt stuttlega við Pál Minh, liðsmann Frozt sem sagði liðsmenn Dusty vera verri „individual“ spilara en flestir í deildinni, þeirra styrkur væri hins vegar góð liðsheild.

Líta má á bak við tjöldin hjá Dusty í spilaranum hér að ofan.

Næst á dagskrá í Lenovo deildinni eru undanúrslit en þau verða leikin í þessari og næstu viku

Viðureignirnar í undanúrslitum eru:
12.júní kl 19:30 Frozt – Kings í LOL
13. Júní kl. 19:30 Hafið -Kr í CS:GO
19. Júní kl 19:30 Dusty – Old Dogs í LOL
20. Júní kl 19:30 Fylkir – Tropadelet í CS:OG

Sýnt verður beint frá öllum viðureignunum á Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.