Handbolti

Þægileg staða fyrir lokaumferðina hjá Íslandi

Hjörvar Ólafsson skrifar
Elvar Örn skoraði níu mörk í fyrri leiknum gegn Tyrklandi.
Elvar Örn skoraði níu mörk í fyrri leiknum gegn Tyrklandi. vísir/getty

Handbolti Íslenska karlalandsliðið í handbolta fær á morgun Tyrkland í heimsókn í Laugardalshöllina í lokaumferð í undankeppni fyrir EM 2020. Íslenska liðinu mistókst að gulltryggja sætið í lokakeppni mótsins með sigri gegn Grikklandi í síðustu umferð undankeppninnar.

Jöfnunarmark Arnórs Þórs Gunnarssonar á lokaandartökum leiksins þýðir hins vegar að jafntefli eða sigur fleytir Íslandi örugglega í lokakeppnina 11. skiptið í röð.

Þá mun tap sem er með minna en 11 marka mun og 11 marka tap með lægri markatölu en 33-22 mun ekki koma að sök. Fyrri leikur liðanna sem fram fór ytra í lok október endaði með öruggum 33-22 sigri íslenska liðsins. Þá var Elvar Örn Jónsson markahæstur hjá Íslandi með níu mörk.

Fyrir lokaumferðina trónir Norður-Makedónía á toppi riðilsins með sjö stig og hefur tryggt sér sæti í lokakeppinni. Ísland er svo í öðru sæti með sex stig og Tyrkland kemur þar á eftir með fjögur stig. Grikkland rekur svo lestina með þrjú stig og er úr leik.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.