Bein útsending: Kvöldfréttir Stöðvar 2

Sama áhætta er á gróðureldum á höfuðborgarsvæðinu og í dreifbýli vegna veðursældar, meiri gróðurs og þurrkatíðar. Aðstoðarslökkviliðsstjóri á höfuðborgarsvæðinu segir að huga þurfi að brunahólfum sem koma í veg fyrir að eldur breiðist út. Varlega þurfi að fara með allan opinn eld. Fjallað verður um málið í kvöldfréttum Stöðvar 2 klukkan 18:30

Einnig er rætt við prófessor í líffræði sem segir lúsmýið komið til að vera og ekki nóg með það, heldur mun það dreifa sér um allt land. Við förum yfir daginn á Alþingi en þar voru ýmis frumvörp samþykkt í atkvæðagreiðslu, þar á meðal frumvarp um kynrænt sjálfræði.

Við förum í Mýrdalshrepp og ræðum við ferðaþjónustuaðila sem segja sumarið líta vel út, skoðum nýja farþegaþotu Airbus sem Icelandair skoðar að kaupa og skellum okkur í 100 ára afmæli allra Íslendinga sem ná þeim háa aldri á árinu.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30.