Handbolti

Oddur markahæstur í sigri Balingen

Ástrós Ýr Eggertsdóttir skrifar
Oddur hefur gert frábæra hluti með Balingen.
Oddur hefur gert frábæra hluti með Balingen. vísir/getty
Oddur Grétarsson var markahæstur í liði Balingen-Weilstetten sem styrkti stöðu sína á toppi þýsku B-deildarinnar í næst síðustu umferð deildarinnar í dag.



Balingen vann Eintracht Hagen með miklum yfirburðum 32-19 í dag. Oddur skoraði sex mörk fyrir Balingen, þar af fjögur úr vítum.



Þegar ein umferð er eftir af deildinni er Balingen með 59 stig í efsta sæti, tveimur stigum á undan Nordhorn-Lingen sem getur jafnað þá að stigum í lokaumferðinni.



Balingen mætir Grosswallstadt í síðustu umferðinni, sem situr í 17. sæti deildarinnar, og mun því að öllum líkindum tryggja sér sigurinn í deildinni á lokadaginn, en sæti í Bundesligunni á næstu leiktíð er komið í hús.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.