Innlent

Bein út­sending: Lýð­heilsu­vísar Reykja­víkur­borgar

Sunna Kristín Hilmarsdóttir skrifar
Á meðal þess sem fjallað er um í lýðheilsuvísunum er umhverfi og innviðir en þar undir falla göngu- og hjólastígar í borginni. Þessir hlauparar nýtu sér einn slíkan stíg í Öskjuhlíðinni í blíðunni fyrr í vikunni.
Á meðal þess sem fjallað er um í lýðheilsuvísunum er umhverfi og innviðir en þar undir falla göngu- og hjólastígar í borginni. Þessir hlauparar nýtu sér einn slíkan stíg í Öskjuhlíðinni í blíðunni fyrr í vikunni. vísir/vilhelm

Reykjavíkurborg kynnir í dag lýðheilsuvísa borgarinnar en þeir eru safn mælikvarða sem gefa vísbendingar um heilsu og líðan borgarbúa og heilsueflandi aðstöðu í borginni.

Í tilkynningu frá Reykjavíkurborg segir að vísarnir verði meðal annars notaðir til að upplýsa stefnumótun í lýðheilsu hjá Reykjavíkurborg og sem hluti af því að setja mælanleg markmið í lýðheilsumálum.

„Lýðheilsuvísarnir voru unnir í samvinnu við Embætti landlæknis og Rannsóknir og greiningu með lýðheilsuvísa Embættis landlæknis á landsvísu til hliðsjónar, og þeir þróaðir áfram fyrir borgina.  Við valið var leitast við að velja vísa sem saman gefa heildstæða, raunsæja og lýsandi mynd af heilsu í Reykjavík og tengja heilsu við verk- og valdsvið borgarinnar.

Lýðheilsuvísarnir eru í fjórum hlutum; íbúar, lifnaðarhættir, heilsa og umhverfi og innviðir. Þessir hlutar eru sambærilegir við flokkun lýðheilsuvísa Embættis landlæknis á landsvísu en bætt hefur verið við fjórða flokknum, „Umhverfi og innviðir“, þar sem t.d. eru birtar upplýsingar um lengd göngu- og hjólastíga, aðgengi að grænum svæðum og fjölda bekkja í borginni,“ segir í tilkynningu Reykjavíkurborgar.

Sérstakur morgunverðarfundur er haldinn í Tjarnarsal Ráðhússins þar sem fjallað verður um lýðheilsuvísana og er bein útsending frá fundinum í spilaranum hér fyrir neðan. Fundurinn hefst klukkan 8:30.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.