Viðskipti erlent

Ekkert í hendi um hvenær kyrrsetningu verður aflétt

Stefán Ó. Jónsson skrifar
Daniel Elwell lofar engu um framtíð kyrrsetningarinnar.
Daniel Elwell lofar engu um framtíð kyrrsetningarinnar. Getty/Bloomberg

Starfandi forstjóri flugmálastofnunar Bandaríkjanna (FAA) segir að stofnunin hafi ekki sett sér nein tímamörk þegar kemur að afléttingu kyrrsetningar Boeing 737 Max-vélanna.

„Þetta mun taka þann tíma sem þarf,“ sagði Daniel Elwell við blaðamenn í gær. „737 Max mun fljúga aftur þegar við höfum lokið allri nauðsynlegri greiningarvinnu og komist að þeirri niðurstöðu að það sé óhætt.“

Aðspurður um hvað hann áætlar að sú vinna taki langan tíma sagði Elwell að ómögulegt væri að segja til um það. „Ef það mun taka okkur ár að sannfærast um að aflétta kyrrsetningunni, þá verður að hafa það,“ sagði Elwell og bætti við: „Ég er ekki bundinn neinum tímaramma.“

Ummæli forstjóra flugmálastofnunarinnar eru því sögð ákveðið reiðarslag fyrir flugfélög eins og Ryanair, sem sáu jafnvel fyrir sér að hægt yrði að fljúga vélunum strax í júní eða júlí. Þau áform voru þó sögð einkennast af  bjartsýni og var talið líklegra að hugbúnaðaruppfærslan og nauðsynlegar þjálfunarleiðbeingar myndu liggja fyrir í október.

Elwell sagðist þó ekki vera tilbúinn að lofa því að sú tímasetning stæðist. Þar að auki sagði forstjórinn að Boeing hefði ekki enn lagt fram lokaútgáfu hugbúnaðaruppfærslunnar sem ætlað er að ráða niðurlögum gallans á ofrisvarnarbúnaði vélanna - þvert á yfirlýsingar flugvélaframleiðandands í síðustu viku.

Talsmaður flugmálastofnunarinnar, sem sat fyrir svörum með Elwell, sagði hins vegar að FAA hefði skýra sýn á þær lagfæringarnar sem Boeing verði að grípa til og hvernig stofnunin mun síðan fullgilda þær. Hvað þetta ferli mun taka langan tíma sé hins vegar allt önnur saga.

Alþjóðlegir flugeftirlitsmenn frá 33 löndum koma saman til fundar í Texas í dag til að ræða framtíð kyrrsetningar 737 Max. Hvort fundarmenn muni sammælast um hvenær þoturnar geti flogið aftur skal ósagt látið, en þeir munu í það minnsta geta borið saman bækur sínar - „svo allir spili eftir sömu nótum,“ eins og starfandi forstjóri FAA orðar það.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,27
21
451.148
EIM
3,11
16
126.639
SIMINN
1,32
11
407.136
VIS
1,23
2
17.490
SKEL
1,12
10
157.458

Mesta lækkun dagsins


Félag
Br.%
Fjöldi
Velta*
KVIKA
-1,47
11
135.730
ICESEA
-0,7
1
5.247
MAREL
-0,51
7
42.442
ICEAIR
-0,41
7
4.404
ORIGO
0
7
56.197
Velkomin á Vísi. Þessi vefur notar vafrakökur. Sjá nánar.