Bjarki Már með fimm í sigri Fuchse Berlin

Bjarki Már Elísson skoraði fimm mörk er Fuchse Berlin fór létt með Ludwigshafen í þýska handboltanum í dag.

 

Fyrir leikinn var Ludwigshafen lang neðsta lið deildarinnar en Berlin var í sjötta sætinu.

 

Yfirburðir Fuchse Berlin voru augljósir strax frá upphafi en staðan í hálfleiknum var 17-11. Í seinni hálfleiknum skoruðu liðsmenn Ludwigshafen aðeins 9 mörk á meðan liðsmenn Berlin skoruðu fimmtán mörk og lokastaðan því 32-20.

 

Bjarki Már skoraði fimm mörk fyrir Berlin á meðan Hans Lindberg var markahæstur með 9 mörk.