Golf

Woods stefnir á Tókýó 2020

Ástrós Ýr Eggertsdóttir skrifar
Tiger Woods
Tiger Woods vísir/Getty
Tiger Woods vill keppa á Ólympíuleikum í fyrsta skipti í Tókýó næsta sumar.



Woods, sem vann sitt fyrsta risamót í ellefu ár í síðasta mánuði þegar hann stóð uppi sem sigurvegari Mastersmótsins, var frá vegna meiðsla þegar golf snéri aftur sem Ólympíuíþrótt í Ríó 2016.



„Væri ég til í að keppa á Ólympíuleikunum? Já. Þetta væri frumraun mín þar, en það væri erfitt að komast í liðið,“ sagði Woods sem er í sjötta sæti á heimslistanum.



„Ef ég stend mig vel í stóru mótunum þá mun þetta ganga upp.“



Woods hefur ekki tekið þátt í móti á PGA mótaröðinni síðan hann vann Mastersmótið en hann verður á meðal keppenda á PGA meistaramótinu um næstu helgi.



„Það sem ég þarf að hugsa um núna er hversu mikið ég spila og hversu mikið ég hvíli. Líkaminn jafnar sig ekki eins fljótt og hann gerði einu sinni en ég er meðvitaður um það.“



PGA meistaramótið verður í beinni útsendingu á Stöð 2 Golf um helgina, en fyrsti keppnisdagur er á fimmtudag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.