Golf

Valdís líklega úr leik

Ástrós Ýr Eggertsdóttir skrifar
Valdís Þóra Jónsdóttir.
Valdís Þóra Jónsdóttir. vísir/getty

Valdís Þóra Jónsdóttir er að öllum líkindum úr leik á Lalla Maryem mótinu í golfi, en mótið er hluti af Evrópumótaröð kvenna.

Valdís lauk leik á öðrum hring á samtals sjö höggum yfir pari í mótinu en búist er við því að niðurskurðurinn miði við fjögur högg yfir pari.

Hringurinn í dag byrjaði ekki vel hjá Valdísi, hún fékk þrjá skolla á fyrstu sex holunum, fugl á áttundu holu en svo tvöfaldan skolla á þeirri níundu.

Seinni níu holurnar byrjuðu betur og fékk hún fugl á bæði 13. og 14. holu, en í gær fékk hún skolla á þeim báðum. Tvöfaldur skolli kom hins vegar á fimmtándu holu og restina fór hún á pari.

Þegar þetta er skrifað er Valdís jöfn í 81. sæti og þremur höggum frá niðurskurðinum. Fjölmargir kylfingar eiga eftir að ljúka leik en þó verður að teljast ólíklegt að Valdís fari áfram.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.