Handbolti

Lærisveinar Erlings köstuðu frá sér sigrinum gegn Slóveníu

Anton Ingi Leifsson skrifar
Erlingur stýrir Hollandi og ÍBV.
Erlingur stýrir Hollandi og ÍBV. vísir/getty
Erlingur Richardsson og lærisveinar hans í Hollandi voru nærri sigri gegn Slóveníu er liðin mættust í undankeppni EM 2020 í handbolta. Lokatölur urðu þó eins marks sigur Slóvena, 27-26.

Hollendingarnir voru sterkari í fyrri hálfleik. Þeir voru sterkir strax frá upphafi leksins og voru yfir er flautað var til hálfleks, 12-11.

Þeir héldu uppteknum hætti í síðari hálfleik og voru tveimur mörkum 26-24 er fáar mínútur voru eftir. Slóvenar skoruðu þó síðustu þrjú mökrin og tryggðu sér sigurinn.

Eftir sigurinn eru Slóvenar komnir með sex stig, Lettar eru með fjögur, Hollendinagr tvö og Eistland er á botninum án stiga.




Fleiri fréttir

Sjá meira


×