Golf

Tiger gat varla gengið en er nú kominn aftur á toppinn

Tómas Þór Þórðarson skrifar
Tiger Woods í græna jakkanum.
Tiger Woods í græna jakkanum. vísir/getty

Tiger Woods er kominn aftur á toppinn í golfinu en hann vann The Masters í gærkvöldi, ellefu árum eftir að vinna sitt síðasta risamót.

Tiger, sem var að sigra á 15. risamótinu á ferlinum, hefur gengið í gegnum margt á undanförnum árum, meðal annars mikil meiðsli í baki sem urðu til þess að hann þurfti að gangast undir fjórar skurðaðgerðir.

„Ég gat varla gengið fyrir aðgerðirnar og börnin mín höfðu nánast bara upplifað verki mína samhliða golfinu. Nú er ég að búa til nýjar minningar fyrir þau sem er mér mikilvægt,“ sagði glaður Tiger á blaðamannafundi eftir sigurinn í gær.

„Ég er heppinn að fá annað tækifæri til að gera það sem að ég elska. Sjálfur efaðist ég um framtíð mína eftir allt sem gengið hefur á undanfarin ár.“

Tiger var með svo mikla verki þegar að verst lét að hann gat lítið sem ekkert gert.

„Ég gat ekki lagst og í raun ekki gert neitt. Aðgerðirnar gáfu mér annað tækifæri á eðlilegu lífi,“ sagði Tiger.

„Allt í einu gat ég svo sveiflað golfkylfu aftur. Mér fannst að ef ég gæti komið mér í stand þá hefði ég þetta í mér. Líkaminn er ekki eins góður og hann var en hendurnar mínar eru enn þá góðar. Þetta er einn af stærstu sigrunum á mínum ferli,“ sagði Tiger Woods.


Tengdar fréttir

Tiger Woods vann fimmta græna jakkann

Tiger Woods fékk sinn fimmta græna jakka í dag þegar hann fagnaði sigri á Masters risamótinu í golfi. Þetta var fimmtándi risatitill hans á ferlinum.

Sjáðu Tiger vinna Mastersmótið

Tiger Woods fagnaði sigri á Masters risamótinu í golfi í dag eftir harða og spennandi toppbaráttu. Þetta var hans fimmti sigur á Mastersmóti og fimmtándi risatitill á ferlinum.

Tiger: Einn af erfiðustu sigrunum

Tiger Woods vann sinn fyrsta risatitil í ellefu ár þegar hann stóð uppi sem sigurvegari á Masters mótinu í golfi í dag. Woods hefur gengið í gegnum ýmislegt á leiðinni og fagnaði sigrinum eins og hann hefði verið hans fyrsti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.