Handbolti

Stórkostlegur Ómar kom að fjórtán mörkum í Íslendingaslag

Anton Ingi Leifsson skrifar
Ómar Ingi í landsleik.
Ómar Ingi í landsleik. vísir/getty

Ómar Ingi Magnússon fór á kostum í liði Álaborgar sem vann átta marka sigur, 30-22, í úrslitakeppninni í Danmörku en leikurinn var hluti af fyrstu umferðinni.

Álaborg, sem er bikar- og deildarmeistari í Danmörku, en Álaborg var fimm mörkum yfir í hálfleik. Sigurinn var því aldrei í hættu. Öruggt hjá Álaborg.

Ómar Ingi skoraði níu mörk og gaf fimm stoðsendingar. Magnaður leikur hjá kappanum. Janus Daði Smárason bætti við þremur mörkum og tveimur stoðsendingum.

Álaborg er því komið með tvö stig í meistarakeppinnni þar sem átta lið keppast um titilinn.

Arnar Birkir Hálfdánsson skoraði eitt mark úr fimm skotum fyrir SönderjyskE en hann gaf einnig tvær stoðsendingar. SönderjyskE er án stiga.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.