Slúðrið sagði Richarlison á leið til Liverpool: Stjórinn glotti við tönn á blaðamannafundi

Marco Silva, stjóri Everton, lét sér fátt um finnast er hann var spurður um hvort að framherjinn Richarlison væri á leið til grannana í Liverpool.

Brasilíski miðillinn UOL Esporte greindi frá því að umboðsmaður Richarlison, Renato Velasco, hafi nýlega heimsótt Jurgen Klopp, stjóra Liverpool, á heimili hans í Liverpool.

„Ég verð bara að brosa. Það er ekkert annað hægt að gera. Það er ekki mikið að segja um þetta slúður,“ sagði Silva á blaðamannafundi fyrir leik Everton á sunnudaginn gegn Arsenal.

„Það er ekki mikilvægt að tala um svona aðstæður heldur eina sem þú getur gert er bara að brosa,“ bætti Silva við en Richarlison setti færslu á Twitter-síðu sína í gær þar sem hann sagðist vera ánægður hjá félaginu.

I'm happy pic.twitter.com/SwQah02hLT

— Richarlison Andrade (@richarlison97) April 4, 2019

„Richarlison er leikmaður okkar. Allir eru ánægðir og hann er ánægður hér og getur enn bætt sig. Ég er viss um að hann geri það á næstu árum því hann er mikilvægur leikmaður fyrir okkur.“