Stefán Rafn bikarmeistari í Ungverjalandi

Stefán Rafn Sigurmannsson og félagar í Pick Szeged eru bikarmeistarar í Ungverjalandi eftir eins marks sigur á Veszprem í bikarúrslitunum í dag.

Pick Szeged var fimm mörkum yfir þegar stutt lifði af leiknum en Veszprem var mikið sterkari aðilinn á lokakaflanum. Veszprem átti síðustu sókn leiksins og gat jafnað leikinn en það tókst ekki og Szeged vann 28-27 sigur.

Stefán Rafn skoraði fjögur mörk fyrir Szeged en tvö þeirra komu úr vítaköstum.

Szeged er ríkjandi Ungverjalandsmeistari og í dag stöðvuðu Stefán Rafn og félagar tíu ára sigurgöngu Veszprem í ungverska bikarnum.