Handbolti

Aron bikarmeistari með Barcelona

Ingvi Þór Sæmundsson skrifar
Aron og félagar höfðu mikla yfirburði í bikarúrslitaleiknum.
Aron og félagar höfðu mikla yfirburði í bikarúrslitaleiknum. vísir/getty
Aron Pálmarsson og félagar í Barcelona rústuðu Cuenca, 34-18, í úrslitaleik spænsku bikarkeppninnar í dag.

Börsungar voru fjórum mörkum yfir í hálfleik, 16-12, en unnu seinni hálfleikinn 18-6 og leikinn með 16 marka mun, 34-18.

Aron skoraði þrjú mörk í leiknum. Þetta var hans annar bikarmeistaratitill með Barcelona og sá sjöundi á ferlinum. Hann varð þrisvar sinnum þýskur bikarmeistari með Kiel og tvisvar sinnum ungverskur bikarmeistari með Veszprém.

Þetta er sjötta árið í röð sem Barcelona verður bikarmeistari á Spáni.



Handbolti

Mest lesið


Fleiri fréttir

Sjá meira


×

Mest lesið