Handbolti

Geir markahæstur í stóru tapi

Ástrós Ýr Eggertsdóttir skrifar
Geir Guðmundsson.
Geir Guðmundsson. vísir/getty
Geir Guðmundsson var markahæstur í liði Cesson-Rennes í stóru tapi fyrir Tremblay í frönsku úrvalsdeildinni í handbolta.

Geir skoraði fjögur mörk fyrir Cesson-Rennes eins og Gaudin Noah og voru þeir jafnir markahæstir í 32-26 tapi gestanna.

Gestirnir skoruðu fyrsta mark leiksins en svo komu fimm mörk í röð frá Tremblay og eftir 12 mínútna leik var staðan 8-2. Þá kviknaði aðeins á gestunum og staðan var 17-13 í hálfleik.

Heimamenn byrjðuðu hins vegar seinni hálfleikinn af krafti og komust átta mörkum yfir. Eftir það þurfti ekki að spurja að leikslokum. Munurinn fór mest í tólf mörk en gestirnir löguðu stöðuna undir lokin.




Fleiri fréttir

Sjá meira


×