Bjarki Már með átta mörk í tapi

Bjarki Már Elísson átti stórleik fyrir Füchse Berlin sem tapaði fyrir Göppingen með fjórum mörkum í þýsku úrvalsdeildinni í handbolta.

Bjarki Már skoraði átat mörk fyrir Berlínarliðið og var markahæstur, næstur kom Hans Lindberg með sex, þar af fimm úr vítum.

Refirnir töpuðu 29-33 eftir að hafa verið 15-13 yfir í hálfleik. Gestirnir í Göppingen voru fljótir að komast yfir í seinni hálfleik og völtuðu yfir heimamenn.

Lærisveinar Aðalsteins Eyjólfssonar í Erlangen gerðu jafntefli 25-25 við Hannover-Burgdorf. Gestirnir frá Hannover höfðu verið þremur mörkum yfir í hálfleik, 12-15.

Það gekk aðeins betur hjá lærisveinum Alfreðs Gíslasonar í Kiel, þeir sóttu 27-30 sigur til Stuttgart.