Aron spænskur meistari í annað sinn

Barcelona er spænskur meistari í handbolta níunda árið í röð en liðið tryggði sér deildarmeistaratitilinn með sextán marka sigri á Guadalajara í dag, 40-24. Enn eru sjö umferðir eftir af mótinu en Barcelona hefur unnið alla leiki sína í vetur og er með yfirburðarstöðu á toppnum.

Aron Pálmarsson skoraði fjögur mörk í leiknum en þetta er annað tímabil hans í röðum Barcelona.

Aron hefur verið einkar sigursæll á ferli sínum þar sem hann hefur unnið þýsku úrvalsdeildina fimm sinnum með Kiel, ungversku úrvalsdeildina í tvígang með Veszprem, Meistaradeild Evrópu tvívegis með Kiel auk fjölda bikartitla.