Körfubolti

Haukur Helgi í átta liða úrslit Meistaradeildarinnar

Anton Ingi Leifsson skrifar
Haukur í leik með Nanterre.
Haukur í leik með Nanterre. vísir/getty
Haukur Helgi Pálsson og félagar í Nanterre eru komnir í átta liða úrslit Meistaradeildarinnar eftir nauman útisigur, 62-60, á Besiktas í kvöld.

Nanterre vann fyrsta leikinn milli liðanna í Frakklandi með níu stiga mun, 68-59, og leikurinn í Tyrklandi í kvöld var háspenna lífshætta.

Adas Juskevicius tryggði Nanterre sigurinn með tveimur vítaskotum er rétt innan við mínúta var eftir af leiknum. Hann skaut því Frökkunum áfram.

Haukur Helgi spilaði í rúmar tuttugu mínútur. Hann gerði ellefu stig og tók fimm fráköst. Að auki gaf hann eina stoðsendingu.







Körfubolti

Mest lesið


Fleiri fréttir

Sjá meira


×

Mest lesið