Handbolti

Þægilegur sigur hjá Arnóri og félögum

Ástrós Ýr Eggertsdóttir skrifar
Arnór Þór Gunnarsson.
Arnór Þór Gunnarsson. Getty/TF-Images
Arnór Þór Gunnarsson og félagar í Bergischer unnu útisigur á Göppingen í þýsku Bundesligunni í handbolta í kvöld.

Arnór skoraði fjögur mörk fyrir Bergischer sem vann leikinn 27-30. Kristian Nippes var markahæstur með sex mörk en þeir skiptu mörkunum nokkuð bróðurlega á milli sín í liði Bergischer í kvöld.

Gestirnir voru með yfirhöndina í upphafi og voru fjórum mörkum yfir í hálfleik 11-15.

Þeir náðu að halda nokkuð þægilegri forystu út allan seinni hálfleikinn og þegar yfir lauk hafði sigurinn aldrei verið í mikilli hættu.




Fleiri fréttir

Sjá meira


×