Viggó maður leiksins í sigri á Bregenz

Íslendingalið West Wien vann þriggja marka sigur á Bregenz í austurrísku úrvalsdeildinni í handbolta í kvöld þar sem Íslendingarnir fóru mikinn.

West Wien lagði grunninn að sigrinum með frábærum fyrri hálfleik og höfðu átta marka forystu í leikhléi, 15-7. Fór að lokum svo að leiknum lauk 31-28 fyrir West Wien.

Viggó Kristjánsson var maður leiksins samkvæmt heimasíðu félagsins en hann var markahæstur með 10 mörk. Næstur á eftir honum í markaskorun var Guðmundur Hólmar Helgason með 5 mörk. Ólafur Bjarki Ragnarsson skoraði eitt mark.