Kvöldfréttir Stöðvar 2

Fjögur verkalýðsfélög með stærstan hluta verkafólks landsins innan sinna raða boða röð minni verkfallsaðgerða sem gætu hafist eftir um hálfan mánuð eftir að þau slitu viðræðum sínum við Samtök atvinnulífsins í dag. Í kvöldfréttatíma Stöðvar 2 er rætt við verkalýðsleiðtogana, framkvæmdastjóra Samtaka atvinnulífsins, forsætisráðherra ásamt fólkinu sem annað hvort mun taka þátt í verkföllum eða verða fyrir þeim og þeirri spurning velt upp hvaða áhrif þau muni hafa á atvinnulífið, til að mynda ferðaþjónustu.

Í fréttatímanum er einnig rætt við Sigurð Inga Jóhannsson, samgöngu- og sveitarstjórnarráðherra, sem gagnrýnir frumvarp landbúnaðarráðherra, sem heimilar innflutning á fersku kjöti, eggjum og vörum úr ógerilsneyddri mjólk, og segist hann ekki tilbúinn til að segja hvort Framsóknarflokkurinn muni styðja frumvarpið.

Þetta og margt fleira innanlands og utan úr heimi í kvöldfréttum á samtengdum rásum Stöðvar 2, Bylgjunnar og Vísis kl. 18:30